Бир киши балиқ консерва заводида ишларди. Бир куни у иш тугаганидан кейин музлатгич ичига кириб атрофни кўздан кечираётганда тўсатдан музлатгич эшиги ёпилиб қолди. Энди унга ким ёрдам беради? У бор кучи билан эшикни тепар, овозини борича бақирар эди. Лекин… Бари бефойда. Шу алфозда беш соат музлатгич ичида қолди. Дунё билан хайрлашиши аниқ бўлиб қолди. Тўсатдан бир киши эшикни очиб ичкарига кирди. Қараса, бир киши ўлим билан олишиб ётарди. Унга тезда ёрдам кўрсатилди. Киши дунёга қайтадан келди. Ёрдам қўлини чўзган киши шу заводнинг қоровули эди. Ундан сўрадилар: “Музлатгич ичида одам борлигини қаердан билдингиз?”
– Мен бу ерда ўттиз беш йилдан бери ишлайман. Хизматчилар орасида бир киши мен билан эрталаб табассум ила саломлашар, қайтаётиб яна шу алфозда хайрлашар эди. Шу куни иш тугаганидан сўнг ўша кишини кўрмадим. Кўнглимда нима бўлди экан деган савол пайдо бўлди. Уни излай бошладим. Ниҳоят уни музлатгич ичидан топдим.
Суюкли Пайғамбаримиз соллаллоҳу алайҳи васаллам айтадилар:
«Биродаринг юзига табассум қилишинг САДАҚАДИР»
Мана сизга ҳадисга амал қилишни мукофоти. Мана сизга табассумнинг таъсири.
ЎМИ Матбуот хизмати
Мазкур тадбирда Қашқадарё вилояти ҳокими ўринбосари Фарход Кушаков, Ўзбекистон мусулмонлари идорасининг вилоятдаги вакили, бош имом хатиб Раҳматилло домла Усмонов ҳамда туман ҳокимининг ёшлар билан ишлаш бўйича ўринбосари Ойбек Шаропов иштирок этди.
Тадбир давомида юртимизда, жумладан диний-маърифий соҳада амалга оширилаётган ислоҳотлар, ёшлар таълими учун яратилаётган шарт-шароитлар ҳақида сўз юритилди. Шунингдек, талабаларни мавжуд имкониятлардан унумли фойдаланиб, Ватан равнақи ва жамият тараққиёти йўлида фаол бўлишга чақирилди.
“Хожа Бухорий” ЎМИТМ
Матбуот хизмати