02 Феврал, 2026, 14 Шаъбон, 1447
02 Феврал, 2026, 14 Шаъбон, 1447
– Абу Барза Асламий айтадилар: Ё Расулуллоҳ! Мени жаннатга киритадиган амалга далолат қилинг, – дедим.
У зот соллаллоҳу алайҳи васаллам: “Одамлар йўлидаги озор берувчи нарсани олиб ташла”, дедилар.
– Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам: “Бир одам йўлда ётган тиконнинг олдидан ўтиб қолди. “Албатта, мана шу тиконни олиб ташлайман, бир мусулмон одамга зарар бермасин”, деди. Шунда унинг гуноҳлари мағфират қилинди”, дедилар.
– Набий соллаллоҳу алайҳи ва саллам: “Қачон икки мусулмон учрашиб, қўл олиб сўрашсалар, Аллоҳга ҳамд ва У зотга истиғфор айтсалар, икковлари мағфират қилинади”, дедилар (Имом Абу Довуд ривояти).
– Кимки қилмишига пушаймон бўлиб, узр сўраган одамни кечириб юборса, унинг хатоларини ҳам Аллоҳ таоло қиёмат куни кечиради.
– Манзилни сўраганга йўл кўрсатиш ҳам яхшиликдир.
– Дўзахдан яримта хурмо садақа қилиб бўлса ҳам сақланинглар! Агар бунга ҳам қодир бўлмасангиз ширин сўз билан сақланинг.
– Ҳалол касбдан чарчаб ухлаган одам гуноҳлари кечирилган ҳолда тунайди.
– Касал кўргани борувчи одам гўё жаннат боғида юргандек бўлади.
– Кимки дуоларим ижобат бўлсин, ташвишларим бошимдан арисин деса, камбағаллар ҳолидан хабар олсин.
– Кимки кўзи ожиз одамни қирқ қадам етаклаган бўлса, унинг жаннатга кириши муқаррардир.
– Садақа сув оловни ўчирганидек хатони (гуноҳни) ўчиради.
Муҳаммад ал-Хоразмий номидаги ихтисослаштирилган мактаб ўқувчиси
Жаҳонгир ШАМСУТДИНОВ
Бисмиллаҳир Роҳманир Роҳийм
Расулуллоҳ соллаллоҳу алайҳи васаллам айтдилар: "Аллоҳ таоло шаъбоннинг ярмидаги тунларда барча махлуқотларига назар солиб, мушрик ва аразлашганлардан бошқа барчанинг гуноҳини кечиради" (Ибн Можа ривояти).
Мен Сиздан Аллоҳ учун кечирим сўрайман.
Мени кечиринг!
Остонада Бароат кечаси!
Бугун шом намозида кейин гуноҳлар кечириладиган – Бароат кечаси кириб келади. Бу кечада ҳамманинг гуноҳлари кечирилади, фақат бир-бири билан аразлашган, гина-адоватда бўлганлар мағфиратга эришмайди.
Аслида кечириш жуда осон... Тўғри, балки дилингизни оғритишган, яхшиликларингизни билишмагандир, аммо барибир, кечиримли бўлиш яхши.
Кўнглингизга озор берганларни кечириш учун ўзингизни овутиб, баҳоналар тўқишга уринманг. Балки шунча гуноҳ қилсангиз ҳам Аллоҳ Сизнинг гуноҳларингизни кечираётганини, У Зот сизга лутф этаётган беминнат неъматларини эсланг.
Ишонинг, аразлашган яқинларингиз билан муносабатларни тиклаш, кўнгилдаги нафрат изларини йўқотиш, қалбдаги оғриқни тўлиқ олиб ташлаш – сизга анча енгиллик беради.
Бароат кечаси – гина-адоват, нафрат-аразлар, хафагарчиликлар унутиладиган, ҳамма бир-биридан розилик ҳамда кечирим сўрайдиган кеча. Бу кеча Аллоҳ насиб қилса яна бир йилдан кейин келади. Лекин унга яна кимлар етади, кимлар етмайди.
Шундай экан, яхши кўрган инсонларингизни маҳкам тутинг.
Уларни яхши кўришингизни айтинг, хатоларини кечиринг. Бир кун келиб кеч бўлиши мумкин.
Ҳаёт гина сақлашга, ғазабга, ришталарни узишга арзимайди.
Эртага биз фақат хотира бўлиб қоламиз. Ўлим рухсат сўрамайди.
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 