22 Апрел, 2026, 4 Зулқаъда, 1447
22 Апрел, 2026, 4 Зулқаъда, 1447
Суфён ибн Уяйна айтади: “Бир куни халифа Ҳишом ибн Aбдулмалик Каъбага кирган эди, у ерда Солим ибн Aбдуллоҳни кўриб, “Мендан ҳожатингизни сўранг”, деди. Солим: “Мен Aллоҳнинг уйида У Зотдан бошқадан бир нарса сўрашга ҳаё қиламан”, деди. Солим Каъбадан чиққач, “Мана, Каъбадан чиқдингиз, энди ҳожатингизни сўранг”, деди. Солим: “Дунё ҳожатлариданми ёки охират ҳожатлариданми?” деган эди, Ҳишом “Дунё ҳожатларидан”, деб айтди. Солим ибн Aбдуллоҳ: “Мен дунёни унинг Эгаси бўлган Зотдан сўрамадим, энди қандай қилиб унинг эгаси бўлмаган одамдан сўрайман?” деб, бошқа гапга ўрин қолдирмади”.
«Солиҳлар гулшани» асаридан
Бисмиллаҳир Роҳманир Роҳийм
Шоҳ Фазлур Раҳмон Ганжмурод Ободий Нақшбандия силсиласининг улуғ шайхларидан эдилар. Кунларнинг бирида у зотнинг ҳузурларига Ашраф Али Таҳонавий раҳимаҳуллоҳ келадилар. Шунда ҳазрат у кишига: “Эй! Ашраф Али қачон сажда қилсам, Аллоҳ мени севишини ҳис қиламан. Агар Қуръон ўқисам, худди Аллоҳ таоло билан суҳбатлашаётгандек бўламан. Мен бундан шундай лаззат топаманки, агар жаннатда ҳурлар менинг олдимга келсалар, уларга: “Хонимлар, менга озгина Қуръон ўқиб беринглар”, дейман.
Субҳаналлоҳ! Қаранг, Аллоҳнинг валий бандалари ибодатдан қанчалик лаззат олишган!
Шайх Зулфиқор Аҳмад Нақшбандийнинг "Илоҳий ишқ" китобидан
Нодир Одинаев таржимаси
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 