— Masjidlarda oldingi qatorlarga ko'proq yoshlar o'tirib olganini ko'p ko'ryapmiz. Kattalarni hurmat qilib, ularga joy berishmaydi ba'zan. Va ayrimlari boshyalang holda namoz o'qiydi. Savolim: masjidlarda old qatorlarda yoshlar o'tirishi va do'ppisiz bo'lishlari joiz-mi?

— Imomning ortida imomlikka o'tishga to'g'ri kelib qolsa, o'ta oladigan odam turishi maqsadga muvofiqdir. Masjidga kim oldin kelsa, safni boshidan to'ldirib keladi. Oldingi safga avval kelgan kishi haqli bo'ladi. Keyin kelganlar uni boshqa joyga o't, deyishga haqlari yo'q. Ammo kattalarni hurmat qilib, ularga oldingi safdan joy berishlari odob doirasidagi ishlardandir. Bosh kiyimga kelsak, namozni bosh kiyim bilan o'qish uning savobi to'liq bo'lishiga sabab bo'ladi. Chunki bu sunnat amaldir. Bosh kiyimsiz namoz o'qish esa makruhlik ila joiz bo'ladi.

Muhammad Ayyub HOMIDOV