09 Апрел, 2026, 20 Шаввол, 1447
09 Апрел, 2026, 20 Шаввол, 1447
Биз азал-азалдан тинчликсевар халқмиз. Айнан шу ғоя тарғибига бағишланган буюк миллий маънавий меросимиз бор. Уларнинг барида тинчликнинг қадрига етиш тарғиб этилади, уруш эса батамом қораланади.
Азиз ва мукаррам инсон зотининг ёши ҳам, кексаси ҳам, аёли ҳам, эркаги ҳам бирдек қадр-кимматга эгадир. Муқаддас Ислом дини инсон қадрини шу даражада юқори кўтарганки хатто, унинг тириги билан ўлигининг ҳурмати бирдек қадрланади. Дунёдан ўтиб кетган марҳум яқинларимизни доимо яхши сифатлар билан эслаш ҳам инсонийлик бурчимиздир. Бу ҳакда муборак ҳадиси шарифда Пайғамбаримиз Мухаммад соллаллоҳу алайҳи васаллам “Дунёдан ўтганларнинг яхши сифатларини эсланглар уларнинг ёмон сифатларини айтишдан сақланинглар” деганлар. (Термизий ривояти)
Юртимизда анъанавий нишонланадиган, алоҳида эътибор қаратиладиган кунлардан бири бу, Хотира ва қадрлаш кунидир. Бу кунда биз ўтмишда ўтган аждодларимиз хусусан, Ватан озодлиги, халкимизнинг фаровонлиги йулида жонларини фидо қилиб, бугунги кунда оламдан ўтиб кетган барча фидойи юртдошларимизни ёдга оламиз. Биз ўтганларни махсус бир кунда, айни 9 майда хотирлашимиз рамзий маънода бўлиб, аслида ҳар доим ҳар лаҳзада уларни эслаб дуолар қиламиз, уларнинг ҳаёт йўлларини ўрганиб улардан намуналар оламиз. Шунингдек, келажак авлод бўлмиш фарзандларимизга ҳам ўтган аждодларимизнинг ҳаёти биз учун улкан намуна эканини уқтириб келамиз. Уларнинг яхшиликларини ҳамиша ҳар доим ёдда тутамиз. Зеро,тарихий хотирасиз келажак йўқ, деб бежизга айтилмаган. Хотира ва қадрлаш деган гаплар бир кунлик анъанага боғланиб қолмаслиги керак. Ватан, миллат, дин йўлида жон фидо қилган аждодларимиз хотираси бизлар учун қанчалик ардоқли ва муқаддас бўлса, кексалик ёшига етган улуғларимизнинг қадрига етиш, ҳурматларини жойига қўйиш ҳам шунчалик муҳимдир.
Бу кунларда қилинадиган хайрли ишлардан бири ёши улуғ кишиларнинг ҳолидан хабар олишимиз, уларнинг қалбларига хурсандлик киритишимиздир. Бу ҳақда Пайғамбаримиз Муҳаммад соллаллоҳу алайҳи васаллам ҳадиси шарифда шундай деганлар: “Кичигимизга раҳм қилмаган ва катталаримизнинг қадрига етмаган кимса биздан эмасдир”. (Абу Довуд ва Термизий ривояти)
Давлатимиз доимо уруш катнашчилари кекса ёшдаги отахонларимиз, онахонларимиз ва барча нафакахурларга ката диккат эътибор билан гамхурлик килиб келмокда. Яратгандан барча мархум аждодларимизни Узининг рахматига олиб уларнинг хакларига килаётган дуоларимизни кабул килиб, орамизда ҳаёт қолганларига фаровон ҳаёт тинчлик ва офият беришини сўраб қоламиз.
Одилжон Нарзуллаев
Янгийўл тумани “Имом Султон” жоме масжиди имом хатиби
Тадбирнинг очилиш маросимида вилоят ҳокими ўринбосари Б.Каримов ва вилоят бош имом-хатиби ўринбосари Н.Абдуманнонов иштирок этиб, бу каби мусобақалар соҳа ходимлари ўртасида соғлом турмуш тарзини тарғиб қилиш ва ўзаро ҳамжиҳатликни мустаҳкамлашда муҳим аҳамиятга эга эканини таъкидладилар.
Муросасиз кечган баҳсларда қуйидаги полвонлар ўз вазн тоифаларида тенгсиз деб топилди ва республика босқичига йўлланмани қўлга киритдилар:
80 кг вазнда: 1-ўрин – М.Ҳидоятов (Булунғур т.), 2-ўрин – А.Янгибоев (Қўшработ т.), 3-ўрин – Ю.Шодиев (Тайлоқ т.).
+80 кг вазнда: 1-ўрин – О.Сайдуллаев (Пайариқ т.), 2-ўрин – Ҳ.Худоёров (Нуробод т.), 3-ўрин – М.Тошпўлатов (Иштихон т.).
90 кг вазнда: 1-ўрин – И.Хидиров (Жомбой т.), 2-ўрин – О.Жумаев (Самарқанд ш.), 3-ўрин – Р.Турсунов (Самарқанд т.).
+90 кг вазнда: 1-ўрин – М.Валиев (Каттақўрғон т.), 2-ўрин – Л.Хожиқурбонов (Пастдарғом т.), 3-ўрин – Ж.Ражабов (Нуробод т.).
Мусобақа якунида ғолиб ва совриндорлар ташкилотчилар томонидан диплом ҳамда эсдалик совғалари билан муносиб тақдирланди. Бу каби тадбирлар нафақат жисмоний чиниқиш, балки миллий қадриятларимиз ва спорт анъаналаримизга бўлган ҳурматнинг яққол ифодаси бўлди.
Sammuslim.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 