Сайт тест ҳолатида ишламоқда!
08 Июл, 2025   |   13 Муҳаррам, 1447

Тошкент шаҳри
Бомдод
03:15
Қуёш
04:58
Пешин
12:33
Аср
17:41
Шом
20:02
Хуфтон
21:37
Bismillah
08 Июл, 2025, 13 Муҳаррам, 1447

Миннат – савобларни йўқ қилувчи иллат

29.06.2022   1650   2 min.
Миннат – савобларни йўқ қилувчи иллат

Бизни йўқдан бор қилиб Ўзигагина ибодат қилишимизга тавфиқ берган, охирзамон Пайғамбарига уммат қилиб қўйган Аллоҳ таолога битмас туганмас ҳамд-санолар ва жаноби Пайғамбаримиз Муҳаммад Мустафога салавоту саломлар бўлсин.

Масжид қуриш, уни обод этиш, намоз ўқувчилар учун қулай шарт-шароитлар қилиш улкан савобли, фазилатли амаллардан, инсон вафотидан кейин ҳам тўхтамай савоби ёзилиб турадиган садақаи жориялардандир.

Аллоҳ таоло Қуръони каримнинг “Тавба” сурасида бундай марҳамат қилади: "Аллоҳнинг масжидларини фақат Аллоҳга ва охират кунига иймон келтирган, намозни тўкис адо этган, закотни (ҳақдорларга) ато қилган ва ёлғиз Аллоҳдангина қўрқадиган зотларгина обод қилурлар. Ана ўшалар ҳидоят топувчи зотлар бўлсалар, ажабмас" (18-оят).

Расулуллоҳ соллаллоҳу алайҳи васаллам айтадилар: “Ким Аллоҳ ризосини истаб бир масжид қурса, Аллоҳ жаннатда унга бир уй қуриб беради” (Имом Бухорий, Муслим, Термизий ва Насоий ривояти).

Бошқа ҳадисда Расулуллоҳ соллаллоҳу алайҳи васаллам: "Ким Аллоҳ учун каклик уйидек бўлса-да, масжид қурса, Аллоҳ унинг учун жаннатда бир кўшк барпо қилади", деганлар.

Каклик уяси каби дейилишлигидан мақсад ҳатто бир намозхон учун шароит қилиб берган одам назарда тутилади. Демак, бир намозхонга намоз ўқиши учун қулайлик қилиб берсак бунинг савоби Аллоҳнинг наздида ниҳоятда улуғ, Жаннатда ўша инсон учун ҳатто олтиндан қаср барпо қилинар экан.

Аммо шу қурилган масжидга ҳомийлик қилган инсон уни миннат қилсачи, унга берилган савоб ва жаннатда қуриладиган қаср нима бўлади шу хақда ўйлаб кўргансизми?

Қайсидир инсон садақаи жория қилса, масжид, мадраса, мактаб ё йўл, кўприк қуриб ёки кимгадир яхшилик қилса унинг ортидан шу қилган иши ва амалини миннат қилсачи? Унинг тавбаси қабул бўладими?

Гуноҳларни кечирувчи Аллоҳ таоло бундай бандаларнинг ҳам тавбаларини албатта қабул қилади, лекин қилган ишларининг савоби кетади, сарфлаган маблағлари ва меҳнатлари беҳуда, ҳаммаси куйиб кул бўлади. Энг ёмони қилган иши риё бўлгани учун гуноҳкор бўлиб қолади.

Шундай экан, кимки хайр-саховат ёки садақаи жория қиладиган бўлса фақат ва фақат чин ихлос билан Аллоҳнинг розилиги учун бажарсин. Аллоҳ таоло кимдандир юз ўгирса ўша бандани мол-мулкка, қилган ишларига мубтало қилиб қўяди. Мана шундай ёмон оқибатлардан Аллоҳ таоло барчамизни Ўзи асрасин!

 

Давронбек МАМБЕТОВ,

Элликқалъа тумани "Сафо" жоме масжиди имом-хатиби

Мақолалар
Бошқа мақолалар
Мақолалар

Ибодатга дангасаликдан қандай қутулиш мумкин?

25.04.2024   171   3 min.
Ибодатга дангасаликдан қандай қутулиш мумкин?

Бир кунда беш вақт намозни ўз вақтида адо этинг! Тўғри дастлаб, бир маҳал, кейин икки, уч қилиб кўпайтираётган бўлишингиз мумкин. Бироқ беш маҳал намоз ҳар бир мусулмон зиммасидаги фарздир.

Расулуллоҳ соллаллоҳу алайҳи васаллам Муъоз ибн Жабал розияллоҳу анҳуни Яманга жўнатаётиб: “Аллоҳ таоло беш маҳал намозни ҳар бир банданинг зиммасига фарз қилганини етказгин”, деб алоҳида таъкидлаганлар.

Демак, бир кунда беш маҳал намоз фарздир. Икки ёки уч маҳал эмас.

Барчамизга яхши маълумки, бирорта эшикни очиш учун албатта калит керак. Худди шунингдек, Жаннатга кириш учун ҳам калит талаб этилади. Агар жаннатга киришни истасангиз сизга калит керак бўлади. Ахир бу дунёда ҳам эшикдан кириш учун калит керак бўляптику.

Ҳар бир калитда ўзининг тишлари бўлади. Тасаввур қилиб кўрингчи, калитингизнинг бир тиши бўлмаса нима бўлади? Истасангиз синаб кўринг, калитингиз тишидан биттасини синдириб, очишга уриниб кўрингчи? Эшик очилармикин? Ваҳоланки, калитда биргина синган тишдан бошқа яна бир қанча бутун тишлар бор.

Яна бир мисол. Айтайлик, бир танишингизга қўнғироқ қилмоқчи бўлсангиз, унинг рақамини терасиз. Бордию биргина рақамни нотўғри терсангиз, сиз яқин одамингиз билан гаплаша олмайсиз, тўғрими?

Демак, Жаннатга тушишни истар экансиз сиз беш маҳал намозни ўз вақтида адо этишингиз керак экан.

Намоз вақти кирганда юмшоқ тўшакингизда ётган ёки аёлингиз билан бирга бозорда бўлсангиз ҳам, бирор иш билан банд ёки фарзандларингиз билан бирга ўйнаётган бўлсангиз ҳам дарҳол ҳаммасини четга суриб, намозни адо этишга киришинг!

Қанчалик кўп ишларингиз бўлмасин, сиз намозни ўз вақтида адо этсангиз Аллоҳ таолонинг Ўзи бошқа ишларингизни осон қилиб қўяди. Лекин афсуски, буни кўпчилик тушунмайди.

Одатда биз ўзимиз учун осон бўлган амалларни қиламиз. Лекин қачонки нафсимизга оғир келадиган ишга дучор бўлсак ўзимизни олиб қочамиз.

Бугунги кунда ўзининг гавдаси, мушаклари билан мақтанадиганларнинг видеолавҳаси жуда кўпайиб кетди. Бунинг сабаби ҳозирги ёшлар мушакларини ишириб олишга жуда қизиқадилар. Ўзларини бошқалардан кучли деб ҳисоблайдилар. Лекин аслида ҳақиқий кучли инсон ким? Мушаклари бақувватми? Йўқ, асло ундай эмас. Бомдод намозига туриш учун устидаги кўрпасини кўтара олган ҳақиқий кучли одамдир. Агар ўзингизни кучли деб билсангиз, бомдодга туришда синаб кўринг.

Азиз ота-оналар фарзандларимиздан бирор нарсани талаб қилишда аввало ўзимиз ўрнак бўлайлик. Токи ёшлар бир қўлида оғир тошни кўтарадиган одам кучли инсон эмас, балик, таҳажжуд ва бомдод намозларини турадиган одам ҳақиқий кучли одам эканини яхшилаб англаб етсинлар.

Аллоҳ таоло Қуръони каримда бундай марҳамат қилади: “Уларнинг ёнбошлари ўрин-жойларидан йироқ бўлур. Улар Парвардигорларига қўрқув ва умидворлик билан дуо-илтижо қилурлар ва Биз уларга ризқ қилиб берган нарсалардан инфоқ-эҳсон қилурлар” (Сажда сураси, 16-оят).

Аллоҳ таоло бу оятда кучли мўминлар ҳақида хабар қилади. Улар тунларни ибодат билан ўтказиб, оз ухлайдилар, кечалари Роббул аъламийндан қўрқиб, Унинг раҳматидан умидвор ҳолда бедор бўладилар.

Аллоҳ таоло барчамизни ана шундай гўзал хулқлар билан сифатланган бандаларидан қилсин!

Даврон НУРМУҲАММАД

 

 

 

Мақолалар