Азизларни хор қилар дамларинг қолган бўлса,
Қанийди, эй замон, у кунларинг ёниб битса!

Фойдасиз журналлар, очиқ суратлар, савиясиз фикрлар, даҳрийликка чорловчи китоблар ва ахлоқ қоидаларига зид ривоятлар билан вақтингизни ўлдиришдан сақланинг. Сиз исломий журналлар, фойдали китоблар ва инсоннинг дунё ва охиратига манфаат берадиган мақолаларни ўқинг. Чунки баъзи китоб ва мақолалар борки, улар инсонда шубҳа-гумон пайдо қилади ва қалбга ғулғула солиб қўяди. Буларнинг баъзилари бизга четдан кириб келаётган бузуқ “оммавий маданият“ асоратларидир.

Шуни билингки, Аллоҳ таоло барча нарсани билади. У зот ғам-ташвишни енгиллаштиради, шундай экан, Унга дуо қилишда бардавом бўлинг. Ушбу дуони доимий такрорлаб юринг: “Аллоҳим, ғам ва маҳзунликдан Сендан паноҳ сўрайман. Сендан ожизлик ва дангасаликдан, бахиллик ва қўрқоқликдан, диним оғир келишидан ва золимлар ғолиб бўлишидан паноҳ сўрайман”.

Агар сиз ҳадисда келган ушбу дуони доимо ўқиб, унинг маъноларини чуқур таъаммул қилсангиз Аллоҳ сиздан ғам-андуҳингиз ва ташвишингизни кетказади.

Шуъла: Ҳар сониянгиз бир тасбеҳ, дақиқангиз бир ғоя ва ҳар сониянгиз бир амал бўлсин.

Доктор Оиз ал-Қарнийнинг
"Дунёдаги энг бахтли аёл" китобидан