12 Май, 2026, 24 Зулқаъда, 1447
12 Май, 2026, 24 Зулқаъда, 1447
1. Ўзининг ака-укасига, опа-синглисига закот берса бўладими?
Бўлади. Закотни фақат ўзининг ота, она, бобо, бувиларига ва ўзининг зурриёди ўғил-қиз, набираларига бериб бўлмайди.
2. Аёл киши ўзи тақиб юрган битта ёки ундан кўпроқ тилла буюмларга ҳам закот берадими?
Ҳанафий мазҳабида аёлларнинг тақинчоқларидан, агар улардаги тилла миқдори нисобга етса, закот чиқарилади. Бунда тақинчоқларнинг сони эмас, вазни эътиборга олинади. Тақинчоқлардаги тилла миқдори 85 граммга етса, улардан закот берилади. Яъни мазкур тилла миқдорининг икки ярим фоизи қиймати закот сифатида берилади.
3. Рўза тутган аёл овқатнинг тузини торса бўладими?
Аёл киши баъзан овқатнинг тузини тотиб кўришига тўғри келади. Баъзан, у-бу емиш сотиб олишда ҳам таъмини тотиб кўрмаса бўлмайди. Бундай ҳолларда, томоқдан ўтмаслик шарти билан емакнинг таъми ёки тузини тотиб кўрса бўлади.
4. Ҳайз ёки нифосли аёллар рўзани нима қилади?
Ҳайз ва нифос кўрган аёллар рўза тутмайдилар. Аёллар Рамазонда ҳайзли ёки нифосли бўлиб қолсалар, покланганларида қазосини тутиб берадилар. Бундай ҳолатдаги аёллар ифтордошларига кўрсатмасдан еб-ичишлари исломий одоблардандир.
5. Ҳомиладор ва эмизикли аёллар рўза тутадими?
Ҳомиладор ва эмизикли аёллар ўзларини ё фарзандларининг соғликларига зарар бўлмаса, рўза тутишлари мумкин. Аммо касалланиб қолишдан ёки боланинг саломатлигига таъсир қилишидан хавотирланишса, рўза тутишмайди. Кўзи ёриганидан кейин ёки эмизиш даври тугагач бир кунига бир кун қазо тутиб беришади
Жорий йилнинг 11 май куни Туркия Президенти ҳузуридаги Диний ишлар бошқармаси раиси Сафий Арпагуш бошчилигидаги делегация Самарқанд вилоятига ташриф буюрди. Ушбу ташриф шу йилнинг апрель ойида Ўзбекистон делегациясининг Туркияга сафари давомида билдирилган таклифларнинг амалий ифодаси бўлиб, меҳмонларга Президент Администрацияси департамент бошлиғи Музаффар Камилов ва Ўзбекистон мусулмонлари идораси раиси ўринбосари Зайниддин домла Эшонқулов ҳамроҳлик қилди.
Зиёрат дастури Имом Бухорий мажмуасидан бошланди. Делегация аъзолари мажмуадаги кенг кўламли бунёдкорлик ишлари ва зиёратчилар учун яратилган шароитларни юксак эътироф этдилар. Айниқса, инновацион музейдаги замонавий экспозициялар орқали буюк муҳаддис бобомизнинг илмий мероси ва юртимиз алломаларининг жаҳон цивилизациясига қўшган ҳиссаси меҳмонларда катта таассурот қолдирди.
Ўтказилган мулоқотлар давомида диний-маърифий ҳамкорликни мустаҳкамлаш ва ислом меросини биргаликда тадқиқ этиш масалалари муҳокама қилинди. Имом Бухорий жоме масжидида адо этилган пешин намозидан сўнг, Сафий Арпагуш Қуръони Карим тиловат қилиб, мусулмон уммати фаровонлиги ва юртимиз тинчлигини сўраб дуолар қилди.
Шунингдек, меҳмонлар Имом Бухорий халқаро илмий-тадқиқот маркази, Абу Мансур Мотуридий мажмуаси, Амир Темур мақбараси ва Регистон майдони каби табаррук масканларда бўлиб, аждодларимизнинг бой маънавий мероси ва бетакрор меъморий обидалари билан яқиндан танишдилар. Туркия делегациясининг мамлакатимиз бўйлаб сафари давом этмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 