21 Сентябр, 2024, 18 Рабиъул аввал, 1446
21 Сентябр, 2024, 18 Рабиъул аввал, 1446
Абдулҳамид ибн Бадис роҳимаҳуллоҳ айтадилар: “Инсон “Қадр кечаси”ни топишга жидду жаҳд қилади. Бироқ бу ҳаракат дунё талабида эмас, дин талабида бўлиши лозим. Кўпчилик инсонлар
“Қадр кечасини топсам, фалон-фалон дунёни сўраб оламан”, деб орзу қиладилар. Кимнинг хаёлига шундай ўй келган бўлса, Аллоҳ таолога тавба қилсин! Зеро, Аллоҳ таоло шундай марҳамат қилади:
مَن كَانَ يُرِيدُ حَرْثَ الْآخِرَةِ نَزِدْ لَهُ فِي حَرْثِهِ وَمَن كَانَ يُرِيدُ حَرْثَ الدُّنْيَا نُؤتِهِ مِنْهَا وَمَا لَهُ فِي الْآخِرَةِ مِن نَّصِيبٍ {الشورى/20}
Кимки, охират экинини (савобини) истар экан, Биз унга экини (ҳосили)ни зиёда қилурмиз. Кимки дунё экинини истар экан, Биз унга ўшандан берурмиз ва унинг учун охиратда насиба (савоб) бўлмас (Шуро сураси, 20-оят).
Тўғри, дунёни Аллоҳ таоло белгилаб қўйган сабаблари билан талаб қиладиган инсонга эътирозимиз йўқ. Бу ўриндаги танбеҳимиз бутун ғам-ташвиши дунё бўлиб охиратни умуман ўйламайдиган кишиларга қаратилгандир. Бундай кишилар “Қадр кечаси”ида дунёни сўраб кечаси билан мижжа қоқмай чиқадилар, бироқ охират масаласидан буткул ғафлатда бўладилар.
Бу ўринда дунё талабида бўлади, дейилганида дин ва охиратга умуман алоқаси бўлмаган дунёвий мақсадлар назарда тутилди.
Ғиёсиддин Ҳабибуллоҳ таржимаси
Бугун, 20 сентябрь куни Ўзбекистон мусулмонлари идораси раиси ўринбосари Зайниддин домла Эшонқулов жума намозига пойтахтимиздаги “Яккасарой” жоме масжидига ташриф буюрди.
Жамоат намозидан олдин Зайниддин домла масжидга йиғилган мўмин-мусулмонларга “Пайғамбаримиз алайҳиссаломнинг мўъжизалари” мавзусида маъруза қилиб берди.
Дарҳақиқат, Қуръони каримда бундай марҳамат қилинади: “Биз ўз пайғамбарларимизни мўъжизалар билан юбордик ва улар билан бирга Китоб туширдик” (Ҳадид сураси, 25-оят). Тарихдан маълумки, Аллоҳ таоло Ўз пайғамбарларининг ҳақлигини тасдиқлаш, инкор қилувчиларни ожиз қолдириш, мўминларнинг иймонини мустаҳкамлаш учун пайғамбарларга турли мўъжизалар берган.
Пайғамбаримиз соллаллоҳу алайҳи васалламнинг энг катта мўъжизалари Қуръони каримдан бошқа мингдан ортиқ мўъжизалари ҳам борлигини ҳадис ва тарих китобларида очиқ-ойдин далил ва исботлар билан келтирилган. Расулуллоҳ соллаллоҳу алайҳи васаллам мўъжиза кўрсатган пайтларида атрофларида сон-саноқсиз саҳобалар қатнашганлар ва мўъжизани шоҳиди бўлганлар.
Уламолар Расулимиз алайҳиссалом мўъжизаларини икки қисмга бўлганлар: Биринчиси, Аллоҳ таоло У зот алайҳиссаломга келажакда бўладиган нарсаларни хабарини билдирган пайтда Пайғамбаримиз алайҳиссалом шуларни баён қилишлари. Иккинчиси, оддий одамни қўлидан келмайдиган ғайри-оддий ишларни қилиб, мўъжиза кўрсатганлар.
Жумладан, закот оладиган шахс қолмаслиги хабари. Мусулмонлар фақир, ночор ва жуда заиф бўлиб турган пайтларида Пайғамбаримиз соллаллоҳу алайҳи васаллам Адий ибн Ҳотим розияллоҳу анҳуга бундай деганлар: “Эй Адий! Яқинда (мусулмон) киши қўли тўла олтин-кумуш билан билан шаҳарлар кезиб, уни оладиган одамни топа олмайди”. Ушбу хабар ўз исботини топиб, Умар ибн Абдулазиз раҳматуллоҳи алайҳнинг даврларида йиғилган закотларни берадиган кишиларни топа олмай ўша пулларга қуллар сотиб олиб, уларни озод қилинган. Шунингдек, Хурмо шохининг у Зотга зорланиши, Расулуллоҳнинг ҳузурларида таомнинг тасбиҳ айтиши, Расулуллоҳ алайҳиссаломнинг баракалари ила оз таомнинг кўпайиши каби мўъжизалар шулар жумласидан.
Жума маърузаси давомида Зайниддин домла айни жиҳатларга эътибор қаратдилар.
Жамоат намозидан сўнг юрт тинчлиги ва халқ фаровонлигини сўраб хайрли дуолар қилинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа