muslim.uz

muslim.uz

Ўзбекистон президенти Шавкат Мирзиёев 17 август кунининг иккинчи ярмида Саудия Арабистонига давлат ташрифи доирасида Жидда шаҳрига келди.

Фото: Президент матбуот хизмати
 
Жидда шаҳридаги «Қаср ас-Салам» саройида Ўзбекистон президентини расмий кутиб олиш маросими бўлди. Давлат раҳбарини Саудия Арабистони валиаҳд шаҳзодаси Муҳаммад бин Салмон Ол Сауд кутиб олди.

Шундан сўнг Ўзбекистон президенти Шавкат Мирзиёев ва Саудия Арабистони валиаҳд шаҳзодаси Муҳаммад бин Салмон Ол Сауд музокаралари бўлиб ўтди. Учрашув аввалида Ўзбекистон етакчиси Саудия Арабистон подшоҳи Салмон бин Абдулазиз Ол Саудга ўз саломи ва эзгу тилакларини етказишни сўради.

Томонлар икки мамлакат ўртасидаги сиёсий, савдо-иқтисодий, инвестициявий, маданий-гуманитар соҳалардаги ўзаро манфаатли алоқаларни янада кенгайтириш масалаларини муҳокама қилди.

Ишбилармонлар алоқалари учун янада қулай шароитлар яратиш, ўзаро савдо ҳажмини ошириш, таркибини диверсификация қилиш зарурлиги қайд этилди. «Бугунги тарихий учрашувимиз ҳамкорлигимизни амалий натижалар билан бойитиш, бизнес алоқалари учун “кучли сигнал” бўлишига аминман. Давлатларимиз тадбиркорлари мулоқотимиз натижаларини интиқлик ва катта қизиқиш билан кутяпти», деди Шавкат Мирзиёев.

Президент Саудия етакчи компанияларини Ўзбекистондаги тижорат банклари, йирик саноат ва инфратузилма объектларини хусусийлаштириш жараёнида фаол иштирок этишга чақирди. Энергетика ва нефть-кимё соҳаларидаги шерикликни кенгайтиришдан икки томон ҳам манфаатдор экани таъкидланди. 

Саудия тараққиёт жамғармаси иштирокида мамлакат ҳудудларида транспорт, сув таъминоти, электр тармоқларини ривожлантириш бўйича инфратузилма лойиҳаларини амалга ошириш масалалари кўриб чиқилди. 

Бугун Ўзбекистон-Саудия ишбилармонлар кенгаши навбатдаги йиғилиши муваффақиятли ўтказилгани қайд этилди. Унинг якунида энергетика, кимё, электротехника, инфратузилмани ривожлантириш, соғлиқни сақлаш, қишлоқ хўжалиги, фармацевтика, ахборот технологиялари ва транспорт соҳаларида умумий қиймати 14 млрд доллардан ортиқ бўлган келишув ва шартномалар имзоланди.

Учрашувда маданий-гуманитар алоқаларни мустаҳкамлашга алоҳида эътибор қаратилди. Халқаро ва минтақавий масалалар юзасидан ҳам фикр алмашилди.

Хавфсизлик соҳасида мулоқотни йўлга қўйиш, Афғонистонда тинчликни мустаҳкамлаш ва иқтисодиётни тиклашга кўмаклашиш бўйича саъй-ҳаракатларни бирлаштириш юзасидан якдил фикр билдирилди. Ўзбекистон президенти Саудия Арабистонининг Шанҳай ҳамкорлик ташкилотида мулоқот бўйича шерик мақомини олаётганини олқишлади.

Музокаралар натижалари бўйича имзоланган ҳужжатлар алмашилди. Ўзбекистон билан Саудия Арабистони ўртасида кенг қамровли шериклик муносабатларини янада кенгайтириш тўғрисида қўшма баёнот қабул қилинди. Икки мамлакат ҳукуматлари ва вазирликлари ўртасида энергетика, божхона, фуқаро авиацияси, туризм, қишлоқ хўжалиги, соғлиқни сақлаш, меҳнат муносабатлари каби соҳаларда ҳамкорликка доир 15 та ҳужжат қабул қилинди.

Манба: https://kun.uz/29920871

Каъбаи муаззама – мусулмонлар қибласи, қалблар қайта-қайта талпинувчи муқаддас шиор, ҳаж ва умрада зиёрат этиладиган тавофгоҳ, одамларга муборак, оламларга ҳидоят қилиб қўйилган ер юзидаги биринчи уй.
Унинг Байтуллоҳ (Аллоҳнинг уйи), Хонаи Каъба (Каъба уйи), Байтул-Атийқ (Қадимий уй), Қибла (ибодатда юзланадиган тараф) каби номлари бор.

Каъбаи муаззама еттинчи осмондаги фаришталар тўхтовсиз тавоф қиладиган Байтул Маъмурнинг соясидаги бир муқаддас макон бўлиб, уни улуғлаш қалбнинг тақвоси саналади. Бу ҳақда Аллоҳ таоло бундай марҳамат қилади: "Ким Аллоҳнинг шиорларини улуғласа, бас, албатта, бу, қалбларнинг тақвосидандир" (Ҳаж сураси, 32-оят).

Каъба ичида намоз ўқиш ва дуолар қилишнинг ажр-мукофоти ҳамда савоби улуғ бўлиб, бунга тўрт мазҳаб имомлари якдил тарзда иттифоқ қилганлар. Бу ҳақда Абдуллоҳ ибн Аббос розияллоҳу анҳумодан ривоят қилинади. Расулуллоҳ соллаллоҳу алайҳи васаллам:“Ким Байтуллоҳга кирса, савобга кирибди. Гуноҳдан ва мағфират қилинган ҳолда чиқибди”, дедилар (Имом Байҳақий, Имом Табароний ривояти).

Абдуллоҳ ибн Умар розияллоҳу анҳумодан ривоят қилинган ҳадисда Набий алайҳиссалом:“Ким Каъба ичига кириб, унда намоз ўқиса гуноҳларидан (худди) онасидан туғилган кунидек (пок) бўлиб чиқади”,деганлар (Имом Фокиҳий ривояти).

Мадинаи мунаввара зиёратида бўлиб турган муҳтарам Президентимиз Масжиду Набавийдаги равзаи муборакни зиёрат қилиб, Ҳазрати Пайғамбар алайҳиссаломга халқимизнинг саломларини йўлладилар.

Зиёрат давомида давлатимиз раҳбарига Ўзбекистон мусулмонлари идораси раиси, муфтий Нуриддин домла ҳазратлари, зиёлилар, ҳукумат вакиллари ва маҳаллий мутасаддилар ҳамроҳлик қилмоқдалар.

Маълумот ўрнида, Мадинаи мунавварадаги Масжидун Набавийда Пайғамбаримиз соллаллоҳу алайҳи васаллам ҳадисларида айтилган равза деган жой бор, зиёратга борган кишилар ўша равзада дуою илтижолар қилишга интиладилар.

Набий соллаллоҳу алайҳи васаллам “Уйим билан минбарим орасида жаннат равзаларидан бир равза бор” дедилар (Имом Бухорий).

Равза — боғ деган маънони билдиради.
Уламолар ҳадисдаги “равза” сўзи ҳақида турли фикрларни айтганлар. Аксарлари, бу жой раҳматнинг тушиши, зикр, ибодат ва тиловат сабабли бахт-саодатнинг ҳосил бўлишида худди жаннат боғига ўхшайди, деб таъриф берганлар.

Аллоҳ таолодан ушбу жойда қилинган дуолар мустажоб бўлишини сўраймиз.

Ўзбекистон мусулмонлари идораси Матбуот хизмати

Татаристоннинг Елабуга туманида истиқомат қилувчи пенсионер Марсел Сарваров Набережние Челни шаҳридаги масжид қурилиши учун ярим миллион рубл хайрия қилди. Бу ҳақда islam.ru автошаҳар ахборот сиёсати ва жамоатчилик билан алоқалар бўлими бошлиғи Римма Мухаметзянованинг Телеграм-каналига таъниб маълум қилди.
AиФ газетасининг ёзишича, нафақахўр Марсел Сарваров автошаҳарга келиб, масжид қаердалигини сўраган, уни топганидан сўнг яхшилаб кўздан кечириб, масжидга моддий ёрдам беришга ваъда берган.
Кечга яқин эса масжид фондига ярим миллион пул келиб тушган.
Умуман олганда, масжид қурилиши фонди 17 миллион рублдан ортиқ маблағ билан тўлдирилди. Маблағларни Челни аҳолиси ва шаҳар меҳмонлари хайрия қилмоқдалар.

Ўзбекистон мусулмонлари идораси Матбуот хизмати

Сторінка 1 з 2235

Видеолавҳалар

Top