Аллоҳ субҳанаҳу ва таоло анорни 3 марта, Ар-Раҳмон ва Анъом сураларида зикр қилган.

Хусусан, Ар-Раҳмон сурасининг 68-оятида Аллоҳ таоло бундай марҳамат қилади: “Икковларида мева-чева, хурмо ва анорлар бор”.

Анор – юрак касалликлари ва суяк мўртлигидан ҳимоя қилади.

Анор кучли антиоксидант бўлиб, флавоноидлар, антоцианинлар, пуник кислота, эллагитаннинлар, алкалоидлар, фруктоза, сахароза, глюкоза ва оддий органик кислоталар каби бирикмаларга бой.

Шунингдек, анор вирусга қарши, қон босимини туширувчи ва яллиғланишга қарши хусусиятларга эга бошқа компонентларга ҳам эга.

Эрон юрак-қон томир тадқиқотлари институтига қарашли Физиология тадқиқот маркази олимлари томонидан ўтказилган илмий изланишлар натижаларида, анордан саратоннинг бир неча турлари, юрак-қон томир касалликлари, суяк мўртлиги ва ревматоид артритнинг олдини олиш ва даволашда фойдаланиш мумкинлиги таъкидланган. Бундан ташқари, анор яраларни битишини яхшилайди ва репродуктив тизим учун фойдалидир.

Анор – простата, кўкрак ва йўғон ичак саратонига қарши курашади.

Анор меваси простата саратонини даволашда самарали саналади. Чунки анор саратон ҳужайраларининг ўсишини тўхтатиб, уларнинг нобуд бўлишини рағбатлантиради.

Анор шарбати кўкрак саратони ва йўғон ичак саратони ҳужайраларига қарши курашади. Анор меваси саратонни даволашда қўлланиладиган кимётерапия дориси – “адриамицин” келтириб чиқарган оксидланиш стрессига қарши ҳимоя хусусияти борлиги исботланган.

Даврон НУРМУҲАММАД