18 Феврал, 2026, 1 Рамазон, 1447
18 Феврал, 2026, 1 Рамазон, 1447
Ҳаж сафари зиёратчилари учун “Ҳаж қўлланмаси” мобил иловаси ишлаб чиқилди. Унда ҳаж зиёрати одоблари, унинг фарз амалларини бажариш тартиб-қоидалари, дуолар, Саудия Арабистонида жорий этилган янги тартиб-қоидалар, аэропорт, меҳмонхоналарда нималарга эътиборли бўлиш кераклиги каби масалалар батафсил баён этилганки, у барча ёшдаги кишилар учун қулайдир.
Шунингдек, иловада муборак сафар давомида ўқиладиган дуолар аудио шаклида берилгани зиёратни мукаммал адо этишда муҳим аҳамият касб этади. Шу билан бирга Ҳаж зиёратида қаерларга борилиши, зиёратгоҳларнинг тарихи ҳақида ҳам маълумотлар берилган.
Илова қуйидаги бўлимлардан ташкил топган:
“Ҳаж қўлланмаси”
“Ҳаж дуолари”
“Сафарга тайёргарлик”
“Ислом тарихига оид жойлар”Иловани қуйидаги линклар орқали юклаб олиш мумкин:
GooglePlay:
https://play.google.com/store/apps/details?id=uz.devteam.hajguideAppStore:
https://apps.apple.com/uz/app/haj-qollanmasi/id1629805267
“Ҳаж қўлланмаси” бўлимида Ҳаж ибодатига оид барча масалалар келтирилган: “ҳаж” сўзининг маъносидан то унинг амаллари-ю фарзларигача. Шу билан бирга, зиёрат қилиш одоблари, муборак шаҳар ва масжидларнинг фазилатлари, сафар тартиб-қоидалари каби бир қатор рукнларда зарур маълумотлар тақдим этилган.
“Ҳаж дуолари” бобида муборак шаҳарга киришдаги дуолар, тавоф асносида, зам-зам суви ичганда, табаррук жойларда, ватанга қайтишда ўқиладиган дуолар каби элликдан ошиқ дуолар берилган. Яна бир муҳим жиҳат, бу бўлимда Набий соллаллоҳу алайҳи васаллам билан бир қаторда Абу Бакр ва Ҳазрати Умар розияллоҳу анҳумога салом бериш одоб ва тартиблари баён этилган.
Ислом тарихига оид қисмда,муқаддас жойлар ҳақида қизиқ ва тарихий манбалар берилган. Уларни ўқиган киши муқаддас қадамжоларга оид кенг тушунчага эга бўлади.
Сафарга тайёргарлик бўлимида муборак сафарга чиқмоқчи бўлган ҳар бир кишига муҳим тавсиялар, ман этилган тартиб-қоидалар, зиёратчилар эътибор қаратиш лозим бўлган масалалар баён этилган.
Шунингдек, иловада бир қатор эслатма ва хизматлар бор. Жумладан, пандемия шароитида Саудия Арабистонидаги тартиблар, қайси вакциналар олиш зарурлиги ҳамда об-ҳаво маълумотлари ҳам бериб борилмоқда.
Аллоҳ таоло ушбу мобил иловани халқимизга манфаатли қилсин!
Ўзбекистон мусулмонлари идораси Матбуот хизмати
Рамазон шукуҳи чегара билмайди! Мамлакатимиз раҳбарияти ташаббуси билан ўзбекистонлик бир гуруҳ таниқли уламолар ва имом-хатиблар хориждаги ватандошларимиз ҳолидан хабар олиш учун йўлга чиқишди.
Ушбу маънавий сафардан кўзланган асосий мақсад — мусофир юртдаги юртдошларимизни қўллаб-қувватлаш, уларнинг Рамазон ойини кўтаринки руҳда ўтказишига кўмаклашиш ва диний саводхонлигини оширишдир.
Айни кунларда четдаги ватандошларимиз учун қуйидаги уламолар хизмат сафарига юборилди:
АҚШ
– Муҳаммадлоиқ Аминов – Тошкент шаҳар, Шайхонтоҳур тумани, “Шайх Зайниддин” масжиди имом-ноиби;
– Валихон Азимбоэв – Тошкент ислом институти ўқитувчиси.
Россия Федерацияси
– Юнусхон Мамарасулов, Фарғона вилояти, Марғилон шаҳридаги “Саид Жалолхон Тўра” масжиди имом-хатиби Сибир Федерал Округига;
– Илёсхон Собитов, Наманган вилояти, Уйчи тумани, “Обид қори” масжиди имом-хатиби Санкт-Петербург вилоятига.
Жанубий Корея
– Маруфжон Нишонов, Тошкент вилоятидаги “Абдуллоҳ ибн Аббос” масжиди имом-хатиби;
– Музаффар Ибрагимов, Наманган вилоятидаги “Мулла Абдуқодир охунд” масжиди имом-хатиби;
– Фатҳулло Абдуллаев, Сурхондарё вилоятидаги “Ҳаким Термизий” масжиди имом-ноиби;
– Фарҳат Мансуров, Қорақалпоғистон Республикасидаги “Имом эшон Муҳаммад” масжиди имом-ноиби;
– Ботиржон Тожибоев, Андижон вилоятидаги “Эски Гумбаз” масжиди имом-хатиби;
– Илёс Шокиров, Тошкент вилоятидаги “Эшонгузар” масжиди имом-хатиби;
– Асилбек Турсунов, Тошкент шаҳридаги “Салом” масжиди муаззини;
– Беҳзод Маҳмудов, Фарғона вилоятидаги “Хувайдо” масжиди имом-ноиби;
– Акмал Саидолимович Низомов, Қашқадарё вилоятидаги “Ҳазрати Имом” масжиди имом-хатиби;
– Нажмиддин Норматов, Тошкент шаҳридаги “Абдуқодир ҳожи ота” масжиди имом-ноиби.
Мазкур жараён давом этмоқда.
Абдулло ПАРПИЕВ,
Ўзбекистон мусулмонлари идораси
Масжидлар билан ишлаш бўлими етакчи
мутахассиси
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 