Сайт тест ҳолатида ишламоқда!
07 Июл, 2025   |   12 Муҳаррам, 1447

Тошкент шаҳри
Бомдод
03:14
Қуёш
04:57
Пешин
12:33
Аср
17:41
Шом
20:03
Хуфтон
21:38
Bismillah
07 Июл, 2025, 12 Муҳаррам, 1447

Диний идора тизимидаги ОАВ ходимлари муносиб тақдирланди

27.06.2022   2393   2 min.
Диний идора тизимидаги ОАВ ходимлари муносиб тақдирланди

Бугун Ўзбекистон мусулмонлари идорасида 27 июнь – “Матбуот ва оммавий ахборот воситалари ходимлари куни” га бағишланган тадбир ўтказилди. Унда Ўзбекистон мусулмонлари идораси раиси биринчи ўринбосари Ҳомиджон домла Ишматбеков, Диний идора бўлимларининг мудир ва ходимлари, “Шамсуддинхон Бобохонов” нашриёт матбаа ижодий уйи вакиллари иштирок этди.

Тадбирда Ҳомиджон домла Ишматбеков сўз олиб, Диний идора тизимидаги матбуот хизмати ва нашриёт ходимларини 27 июнь – “Матбуот ва оммавий ахборот воситалари ходимлари куни” байрами билан муборакбод этиб, бундай деди:

– Биз яшаётган ахборот асрида бу соҳа ходимларининг фаолияти ниҳоятда муҳим аҳамият касб этмоқда. Чунки бугунги текзорлик замонида маълум янгилик бир зумда дунё бўйлаб ёйилмоқда.

Қолаверса, кейинги йилларда журналистиканинг замонавий тармоқлари таборо кенгайиб бораётирки, бу бутун оммани ўзига қамраб олмоқда. ОАВ ўртасида рақобат ҳам куни сайин ортиб бораётир.

Мазкур ахборот маконида диний-маърифий журналистика йўналишида ҳам катта ўзгаришлар бўлиб, диний билими етук кадрларига эҳтиёж сезилмоқда.

Шу боис бу йўналиш эътиборимиз марказида ва унинг юқори босқичларга кўтарилишига хайриҳоҳмиз.

Ҳомиджон домла Ишматбеков сўзи якунида Диний идоранинг Матбуот ва Ахборот таҳлил бўлими ҳамда “Шамсуддинхон Бобохонов” нашриёт матбаа ижодий уйи жамоасига “Ташаккурнома”ларни тақдим этиб, касб байрами билан ижодий жамоани муборакбод этди.

Тадбир давомида Диний идора тизимида оммавий ахборот воситаларига дахлдор бўлган ходимларни байрам муносабати билан муносиб рағбатлантириш маълум қилинди.

Бундай тадбирлар Ўзбекистон мусулмонлари идорасининг ҳудудлардаги вакилликлари, диний таълим муассасаларида ҳам ташкил этилиб, фидойи ва жойкуяр соҳа ходимларига эътиром кўрсатилди.

Ўзбекистон мусулмонлари идораси Матбуот хизмати

Ўзбекистон янгиликлари
Бошқа мақолалар
Мақолалар

Уларнинг қалблари ҳидоят чироғларидир

07.07.2025   109   1 min.
Уларнинг қалблари ҳидоят чироғларидир

Бисмиллаҳир Роҳманир Роҳийм

Бир куни Умар розияллоҳу анҳу масжидга чиқдилар, у ерда Муоз ибн Жабал розияллоҳу анҳуни Расулуллоҳ соллаллоҳу алайҳи васалламнинг қабрлари ёнида йиғлаб турган ҳолда кўрдилар.

Умар разияллоҳу анҳу ундан: "Эй Муоз, нима учун йиғлаяпсан?" деб сўрадилар.

Шунда Муоз розияллоҳу анҳу жавоб бердилар: "Мен Расулуллоҳ соллаллоҳу алайҳи васалламдан эшитган бир ҳадис туфайли йиғлаяпман. У зот алайҳиссалом айтган эдилар: "Риёнинг озгинаси ҳам ширкдир. Кимки Аллоҳнинг дўстларига душманлик қилса, билиб қўйсинки, у Аллоҳга қарши уруш очибди. Албатта, Аллоҳ таоло аброр, тақводор, ўзини пинҳон тутадиган бандаларни яхши кўради. Улар шундай кишиларки, йўқликларида, ҳеч ким уларни ахтармайди, ҳозир бўлганларида ҳам ҳеч ким уларни танимайди. Уларнинг қалблари ҳидоят чироғларидир. Улар ҳар қандай қоронғу ва ғуборлик ҳолатдан йўл топиб чиқа оладилар".

Ҳомиджон қори ИШМАТБЕКОВ

Мақолалар