21 Сентябр, 2024, 18 Рабиъул аввал, 1446
21 Сентябр, 2024, 18 Рабиъул аввал, 1446
Бугун ерга қадалаётган ниҳоллар, кўчатлар кун келиб азим дарахтларга айланади. Ўшанда серсоя дарахтлар остида ўтириб, ширин-ширин меваларни еб роҳатлаган киши, албатта, дарахт эккан кишиларнинг ҳақларига хайрли дуолар қилади.
Бугун Тошкент шаҳар бош имом-хатиби Абдуқаҳҳор домла Юнусов ҳамда Тошкент шаҳар ҳокимининг жамоат ва диний ташкилотлар билан алоқалар бўйича ўринбосари Абдулвосид Хомитжонов Олмазор туманидаги "Искандархўжа" жоме масжидига ташриф буюриб, туманда фаолият юритаётган имом-хатиблар билан бирга "Яшил макон" умуммиллий лойиҳаси доирасида кўчатлар экдилар, гулу райҳонларни ерга қададилар.
Тадқиқотларга кўра, бир кунда бир кишининг кислородга бўлган эҳтиёжини қондириш учун 22 туп дарахт керак бўлади. Демак, шундан келиб чиқиб кўпроқ кўчат экишимиз керак.
Расулуллоҳ соллаллоҳу алайҳи ва саллам умматларини кўчат ўтқазиш ва экин экишга тарғиб қилганлар. Анас ибн Молик розияллоҳу анҳудан ривоят қилинади. Расулуллоҳ соллаллоҳу алайҳи ва саллам: “Агар қиёмат бўлиб қолса ва биронтангизнинг қўлида хурмо дарахти бўлса, уни экиб қўйсин”, дедилар (Имом Аҳмад ривояти).
Яна бир муҳим масала. Биз кўчат экишга қанчалик ҳарис бўлсак, экилган ниҳолларни парвариш қилишни унутмаслигимиз керак.
Бу хайрли ишга барчамиз ҳисса қўшсак, пойтахтимиз боғу бўстонга айланади, иншоаллоҳ.
ЎМИ Тошкент шаҳар вакиллиги Матбуот хизмати
Бугун, 20 сентябрь куни Ўзбекистон мусулмонлари идораси раиси ўринбосари Зайниддин домла Эшонқулов жума намозига пойтахтимиздаги “Яккасарой” жоме масжидига ташриф буюрди.
Жамоат намозидан олдин Зайниддин домла масжидга йиғилган мўмин-мусулмонларга “Пайғамбаримиз алайҳиссаломнинг мўъжизалари” мавзусида маъруза қилиб берди.
Дарҳақиқат, Қуръони каримда бундай марҳамат қилинади: “Биз ўз пайғамбарларимизни мўъжизалар билан юбордик ва улар билан бирга Китоб туширдик” (Ҳадид сураси, 25-оят). Тарихдан маълумки, Аллоҳ таоло Ўз пайғамбарларининг ҳақлигини тасдиқлаш, инкор қилувчиларни ожиз қолдириш, мўминларнинг иймонини мустаҳкамлаш учун пайғамбарларга турли мўъжизалар берган.
Пайғамбаримиз соллаллоҳу алайҳи васалламнинг энг катта мўъжизалари Қуръони каримдан бошқа мингдан ортиқ мўъжизалари ҳам борлигини ҳадис ва тарих китобларида очиқ-ойдин далил ва исботлар билан келтирилган. Расулуллоҳ соллаллоҳу алайҳи васаллам мўъжиза кўрсатган пайтларида атрофларида сон-саноқсиз саҳобалар қатнашганлар ва мўъжизани шоҳиди бўлганлар.
Уламолар Расулимиз алайҳиссалом мўъжизаларини икки қисмга бўлганлар: Биринчиси, Аллоҳ таоло У зот алайҳиссаломга келажакда бўладиган нарсаларни хабарини билдирган пайтда Пайғамбаримиз алайҳиссалом шуларни баён қилишлари. Иккинчиси, оддий одамни қўлидан келмайдиган ғайри-оддий ишларни қилиб, мўъжиза кўрсатганлар.
Жумладан, закот оладиган шахс қолмаслиги хабари. Мусулмонлар фақир, ночор ва жуда заиф бўлиб турган пайтларида Пайғамбаримиз соллаллоҳу алайҳи васаллам Адий ибн Ҳотим розияллоҳу анҳуга бундай деганлар: “Эй Адий! Яқинда (мусулмон) киши қўли тўла олтин-кумуш билан билан шаҳарлар кезиб, уни оладиган одамни топа олмайди”. Ушбу хабар ўз исботини топиб, Умар ибн Абдулазиз раҳматуллоҳи алайҳнинг даврларида йиғилган закотларни берадиган кишиларни топа олмай ўша пулларга қуллар сотиб олиб, уларни озод қилинган. Шунингдек, Хурмо шохининг у Зотга зорланиши, Расулуллоҳнинг ҳузурларида таомнинг тасбиҳ айтиши, Расулуллоҳ алайҳиссаломнинг баракалари ила оз таомнинг кўпайиши каби мўъжизалар шулар жумласидан.
Жума маърузаси давомида Зайниддин домла айни жиҳатларга эътибор қаратдилар.
Жамоат намозидан сўнг юрт тинчлиги ва халқ фаровонлигини сўраб хайрли дуолар қилинди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа