17 Феврал, 2026, 29 Шаъбон, 1447
17 Феврал, 2026, 29 Шаъбон, 1447
Мусулмон дунёси лигаси ташкилоти Бош котиби Исломнинг аёлларга бўлган муносабати ҳақида муҳим эслатмалар берди. Унга кўра, замонавий жамиятда аёлларнинг исломдаги мавқеи ҳақидаги хавфли афсоналарга қарши курашиш муҳим аҳамиятга эга.
Islamisemya.com маълумотларига кўра, шайх Муҳаммад бин Абдул Карим Ал-Исса Лос-Анжелесда нодавлат нотижорат ташкилоти билан ҳамкорликда ташкил этилган онлайн семинар чоғида аёллар Ислом пайдо бўлганидан бери жамиятда юксак мавқега эга экани ва уларнинг ҳуқуқлари бузилиши дин аҳкомларига зид эканини тилга олди.
Лига раҳбари интеллектуал воситалар билан Исломга зид ғояларга қарши курашиш зарурлигини таъкидлади. Шайх Ал-Исса фикрича, дунёда зўравонликнинг асосий сабаби жамоалар ўртасида ишончсизлик бўлиб, Исломий инсоф тушунчаси (васатия) муносабатлар қуришнинг калити бўлиши керак.
Ўзбекистон мусулмонлари идораси матбуот хизмати
Бисмиллаҳир Роҳманир Роҳийм
Савол: Намозини уйда ўқиётган намозхон ҳам фарзни ўқиб бўлгач суннат ва нафл намозларни ўқиш учун жойини ўзгартириши мустаҳабми?
Жавоб: Бисмиллаҳир Роҳманир Роҳийм. Намозда имом бўлган шахс фарзни ўқигач, ўша жойнинг ўзида нафл ўқиш макруҳ саналади. Шу боис ўнг ёки чапга ёки орқа сафга ўтиб олади. Чунки агар имом фарзни ўқиган жойида суннатни ўқиса, жамоатга кеч келган одам имом фарзни ўқияпти деган гумонда иқтидо қилиб қўйиши мумкин.
Уйда ёки масжидда мустақил намоз ўқиётган намозхон фарз ўқиган жойида ҳам, бошқа жойга ўтиб ҳам ўқиши мумкин, макруҳ бўлмайди. Бошқа жойда ўқиш афзал ҳисобланади.
Пайғамбаримиз соллаллоҳу алайҳи васаллам фарздан кейин жойни ўзгартиришга тарғиб қилиб: “Сизлардан бирингиз намозидан фориғ бўлгач, нафл ўқиш учун олди ёки орқасига силжишдан ожиз бўладими?” деганлар. Яна бир ҳадисда намоз ўқилган жой қиёмат куни намозхоннинг фойдасига гувоҳлик бериши айтилган. Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа