Дунё янгиликлари

Рамазон ойида рўза тутиш қон босимини тушириши аниқланди

Ҳар йили юз миллионлаб мусулмонлар Рамазон ойини ҳар куни рўза тутиб нишонлайдилар. Янги тадқиқот у артериал босимни туширишга ёрдам бериши мумкин, деб кўрсатади. Тадқиқот Journal of the American Heart Association журналида чоп этилди.
Тадқиқот муаллифи Рами Ал-Жафар ҳаммуаллифлари билан Лондондаги бешта масжиддан 85 ёшдан 29 ёшгача бўлган 61 иштирокчини кузатди, уларнинг систолик (юқори сони) ва диастолик (пастки сони) қон босимини Рамазондан олдин ва ундан кейин ўлчади. Бундан ташқари, улар иштирокчилардан уч кун олдин ва Рамазон ойида овқатланиш кундаликларини сақлашни сўрашди.
Ёши ва жинси каби кўрсаткичларга мослаштирилгач, олимлар Рамазондан кейинги кунларда систолик қон босимининг 7,29 мм симоб устунига ва диастолик қон босимининг 3,42 мм симоб устунига ўртача пасайишини аниқлашди. «Medical Insider» маълумотларига кўра, натижалар ҳам соғлом одамлар, ҳам гипертония ва диабет билан оғриган одамлар учун тўғри бўлиб чиқди.
"Бизнинг тадқиқотимиз турли хил озиқ-овқат маҳсулотларини истеъмол қилган турли маданиятлардан турли иштирокчиларни жалб қилди, шунинг учун бу биз турли жамиятга асосланган деб таърифлашимиз мумкин бўлган биринчи тадқиқот бўлди", - деди Ал-Жафар.
Islam.ru хабарига кўра, олимлар Лондондаги тадқиқотларини Эрон, Покистон ва Туркия каби мамлакатларда ўтказилган 33 та илмий мақола таҳлилига киритишган, уларда 3213 нафар киши иштирок этган. Ушбу тадқиқотларда иштирок этган одамларнинг ҳам Рамазон ойидан кейин қон босими паст бўлган.

Ўзбекистон мусулмонлари идораси Матбуот хизмати

129 марта ўқилди

Янгиликлар

Top