Қирғизистон муфтийси Замир ҳожи Ракиев муфтий Нуриддин домла Холиқназаров ҳазратларига табрик йўллади. Унда жумладан шундай дейилади:
– Қирғизистоннинг барча мусулмонлари, Қирғизистон мусулмонлари диний идораси ва шахсан ўз номимдан чин дилдан Сизни Ўзбекистон мусулмонлари идораси Уламолар Кенгашининг кенгайтирилган йиғилишида юқори ва жуда муҳим лавозим Ўзбекистон мусулмонлари идораси раиси, муфтий лавозимига сайланганингиз билан табриклайман.
Биз учун ушбу хушхабар барча биродар Ўзбекистон мусулмонлари учун самимий қувонч бўлиб хизмат қилади ва Аллоҳ таолонинг марҳамати билан анъанавий Ислом қадриятларига асосланган бутун Ўзбекистон халқининг диний-аҳлоқий тинчлик-хотиржамлиги ва фаровонлиги йўлидаги саъй-ҳаракатларингизда У Зотнинг энг эзгу ниятлари ва ишончини оқлай олишингиз борасида бизда шундай ишонч уйғотади.
Нафақат Ўзбекистонда, балки бутун дунё бўйича ҳақиқий Исломни мустаҳкамлаш тарихида ўзининг жуда муҳим изини қолдирган Ўзбекистонинг барча мусулмонлари ҳаётида тинчлик ва маънавий бойликнинг гуллаб-яшнаши йўлида эргашиш учун яхши намуна бўлиб хизмат қилувчи аҳамияти ва муҳимлиги бўйича Сизнинг самимий меҳнатингиз ва саъй-ҳаракатларингиз, Сизнинг юқори даражадаги диний маданиятингиз ва маърифатлилигингиз айнан Сизни бутун қардош Ўзбекистон диний идорасининг энг юқори лавозимига сайлаш борасидаги Ўзбекистон мусулмонлари идораси Уламолар Кенгашининг кенгайтирилган йиғилиши қарорига асос бўлиб хизмат қилди.
Бундан ташқари, Сизнинг юқори даражадаги маърифатлилигингиз, шунингдек диний идорада хизмат қилишнинг бой ва бебаҳо тажрибангиз жамики қардош Ўзбекистон мусулмонларига фойда келтирувчи яна кўплаб режалар, кенг кўламли лойиҳаларни қийинчиликсиз ҳаётга тадбиқ этишга хизмат қилади ва мамлакатларимиз диний идоралари ўртасидаги самимий ўзаро муносабат ва қўллаб-қувватлаш ҳамда мустаҳкам ҳамкорликни янада кучайтиради.
Замир ҳожи Ракиев,
Қирғизистон муфтийси
Қорақалпоғистон Республикаси Вазирлар Кенгаши Раисининг ўринбосари А.Алланиязов шаҳар ва туман бош имомлари билан учрашув ўтказди. Қорақалпоғистон мусулмонлари қозиси Б. Разов олиб борган тадбирда қуйидаги муҳим масалаларга эътибор қаратилди:
Ислоҳотлар тарғиботи: Юртимиздаги ўзгаришларни халққа тўғри етказиш ва тинчликни асрашда имомларнинг ўрни;
Маърифий ислом: Ёшларга ижтимоий тармоқларда соф ислом дини мазмунини ва Ҳанафий мазҳаби таълимотларини тўғри тушунтириш;
Маънавий тарбия: Жума ва кундалик намозларда долзарб мавзулар бўйича манзилли тушунтириш ишларини олиб бориш;
Ҳамжиҳатлик: Маҳаллалардаги ижобий ўзгаришларни эътироф этган ҳолда, мамлакат тараққиёти йўлида бир ёқадан бош чиқариб ҳаракат қилиш.
Учрашув якунида диний соҳа вакилларига берилаётган эътибор ва имкониятларга муносиб равишда, халқ фаровонлиги йўлида фаол хизмат қилиш лозимлиги таъкидланди.
Қорақалпоғистон мусулмонлари қозиёти