17 Сентябр, 2025, 25 Рабиъул аввал, 1447
17 Сентябр, 2025, 25 Рабиъул аввал, 1447
Шу йил 24 -25 ноябрь кунлари Саудия Арабистонининг Жидда шаҳрида "Россия - Ислом олами" стратегик қарашлар гуруҳи (СҚГ) нинг иккинчи йиллик йиғилиши бўлиб ўтди. Бу ҳақда Ўзбекистондаги Ислом цивилизацияси матбуот хизмати хабар берди.
“Мулоқот ва ҳамкорлик уфқлари” шиори остида бўлиб ўтган саммитда Президент маслаҳатчиси, Ўзбекистондаги Ислом цивилизацияси маркази раҳбари Шоазим Миноваров маъруза билан иштирок этди.
Ш.Миноваров саммит ташкилотчиларига миннатдорчилик билдирган ҳолда, сўнгги йилларда Ўзбекистонда давлат раҳбари бошчилигида диний-маърифий соҳада олиб борилаётган кенг кўламли ислоҳотлар, хусусан, буюк аждодлармиз меросини тадқиқ қилиш мақсадида илмий-тадқиқот марказлари ва ўқув юртларининг ташкил этилганлиги, маърифий ислом моҳиятини янада чуқурроқ англашга қаратилган ижобий саъй-ҳаракатлар ҳақида сўз юритди.
Шунингдек, марказ раҳбари Ўзбекистон ушбу йўналишда барча халқаро турдош ташкилотлар билан ҳамкорлик қилишга доимо тайёр эканлигини билдирди.
– Бирлашган Араб Амирликларининг Дубай шаҳрида Экспо 2020-2022 умумжаҳон кўргазмасида жонажон Ўзбекистонимиз ҳам ўз павильони билан иштирок этди, – дейди Президент маслаҳатчиси, Ўзбекистондаги Ислом цивилизацияси маркази раҳбари Шоазим Миноваров. – Ўзимизнинг йигит-қизлардан иборат хориж тиллартда бемалол мулоқот қилаётган гид-бошловчилар, бугунимиз ва шавкатли аждодларимиз фаолияти биргаликда намойиш этилгани, Ислом цивилизацияси марказининг ҳам кўргазмага қўйилгани, айниқса, павильонимиздан одам аримаганини кўриб, фахрландим ва ташкилотчиларга тасанно айтдим. Павильонимизда хаттотлик санъати намойиш қилди. Шунингдек, миллий таомларни ҳам тортиқ қилинди. Биз жаҳонни, жаҳон бизни кашф этмоқда.
Маълумот ўрнида: "Россия - Ислом олами" стратегик қарашлар гуруҳи 2006 йилда ташкил этилган бўлиб, ҳозирги кунда унга 28 та мусулмон давлатларидан 60 га яқин жамоат ва ҳукумат фаоллари аъзо ҳисобланади. Ҳозирда мазкур гуруҳга Татаристон президенти Рустам Миннихонов бошчилик қилмоқда.
Ўзбекистон мусулмонлари идораси матбуот хизмати
1. Бомдод намозининг суннатини енгил ўқиш.
Оиша розияллоҳу анҳодан ривоят қилинади: “Набий соллаллоҳу алайҳи васаллам Бомдод намозида азон ва иқомат орасида енгил икки ракат ўқир эдилар” (Имом Бухорий, Имом Муслим ривояти).
2. Биринчи ракатда Кафирун, иккинчи ракатда Ихлос сурасини ўқиш.
Абу Ҳурайра розияллоҳу анҳу айтади. «Расулуллоҳ соллаллоҳу алайҳи васаллам Бомдоднинг икки ракатида “Қул йаа айюҳал каафирун” ва “Қул ҳуваллоҳу аҳад”ни ўқирдилар» (Имом Муслим ривояти).
3. Суннатдан сўнг озгина ёнбошлаш.
“Набий соллаллоҳу алайҳи васаллам Бомдод намозининг суннатидан кейин ўнг тарафлари билан озгина ёнбошлаб ётар эдилар” (Имом Бухорий ривояти).
4. Ёсин сурасини ва Ҳашр сурасининг охирги уч оятини тиловат қилиш.
Маъқил ибн Ясор розияллоҳу анҳудан ривоят қилинади. Набий соллаллоҳу алайҳи васаллам: «“Ёсин” Қуръоннинг қалбидир. Ким уни Аллоҳни ва охират кунини умид қилиб ўқиса, албатта, мағфират қилинади. Уни ўликларингизга ўқинглар», дедилар (Имом Аҳмад, Имом Байҳақий ривояти).
Анас розияллоҳу анҳудан ривоят қилинади: «Ҳар бир нарсанинг қалби бор. Қуръоннинг қалби “Ёсин”дир. Ким “Ёсин”ни қироат қилса, Аллоҳ унга бу қироати учун Қуръонни ўн марта қироат қилган(савоби)ни ёзади» дедилар (Имом Термизий, Имом Байҳақий ривояти).
Маъқил ибн Ясор розияллоҳу анҳудан ривоят қилинади. Набий соллаллоҳу алайҳи васаллам: «Ким субҳ чоғида уч марта “Аъузу бисмиллаҳис самийъил алийм, минаш шайтонир рожийм” деб, Ҳашр сураси охиридан уч оятни тиловат қилса, Аллоҳ унга етмиш минг фариштани вакил қилиб қўяди. Улар унга кеч киргунча салавот айтадилар. Агар у ўша куни ўлса, шаҳид ҳолида ўлади. Ким ўшаларни кеч кирганда айтса, худди ўшандоқ бўлади», дедилар (Имом Термизий ривояти).
5. Бомдод намозидан кейин ўша жойда ўтириш.
Набий соллаллоҳу алайҳи васаллам: “Ким Бомдод намозини ўқиб бўлганидан кейин намоз ўқиган жойида то чошгоҳ намозини ўқигунча ўтирса, фақат яхшиликдан бошқани гапирмаган бўлса, унинг хатолари, агар денгиз кўпигидан кўп бўлса ҳам, мағфират қилинади”, дедилар (Имом Абу Довуд, Имом Термизий ривояти).
“Набий соллаллоҳу алайҳи васаллам Бомдод намозидан сўнг намоз ўқиган жойларида то қуёш яхши чиқиб олгунича ўтирар эдилар” (Имом Муслим ривояти).
6. Қуёш чиққанидан сўнг икки ракат ишроқ (қуёш чиқиши) намозини ўқиш.
Расулуллоҳ соллаллоҳу алайҳи васаллам: “Ким Бомдодни жамоат билан ўқиса, сўнгра қуёш чиққунича Аллоҳни зикр қилиб ўтирса, кейин икки ракат намоз ўқиса, унинг учун ҳаж ва умранинг ажридек бўлур. Тўлиқ, тўлиқ, тўлиқ”, деганлар (Имом Термизий ривояти).
7.Сўнгра зуҳо (чошгоҳ) намозини ўқиш.
Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам: “Ким чошгоҳ намозини муҳофаза (бардавом) қилса, унинг гуноҳлари агар денгиз кўпигича бўлса ҳам мағфират қилинади”, дедилар (Имом Термизий ривояти).
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа