Сайт тест ҳолатида ишламоқда!
13 Июл, 2025   |   18 Муҳаррам, 1447

Тошкент шаҳри
Бомдод
03:20
Қуёш
05:01
Пешин
12:34
Аср
17:40
Шом
20:00
Хуфтон
21:33
Bismillah
13 Июл, 2025, 18 Муҳаррам, 1447

«The Evening Standards» нашри: Самарқанд сайёҳлар учун янада жозибали масканга айланди

12.01.2022   1046   1 min.
«The Evening Standards» нашри: Самарқанд сайёҳлар учун янада жозибали масканга айланди

Буюк Британиянинг етакчи «The Evening Standards» газетаси саҳифасида «2022 йилда сайёҳлик учун рўйхат» сарлавҳали мақола босилиб чиқди, деб хабар бермоқда «Дунё» АА. Унда Ўзбекистон «саргузашт сайёҳлиги» йўналишида боришга тавсия этилган энг муҳим мамлакатлар рўйхатидан жой олган.

Ўзбекистон элчихонасидан тақдим этилган маълумотга қараганда, мақолада 2021 йилнинг декабрь ойида Самарқанд шаҳрида ишга туришилган янги халқаро аэропорт ушбу қадимий кентни хорижий сайёҳлар учун янада жозибали масканга айлантиргани алоҳида қайд этилган. «Сайёҳларга қулайликлар яратиш, мамлакатда тезюрар поездлар тармоғининг кенгайиши ҳисобидан пойтахт билан Бухоро ва Хива каби тарихий шаҳарлар ўртасида тезкор алоқани таъминлаш имконини яратди», - деб ёзади нашр.

Мақолада муҳташам шароитларни хуш кўрувчи сайёҳларга Тошкентдаги «Hyatt Regency» каби ҳашаматли меҳмонхоналарда дам олиши, архитектура ва маданият мухлислари эса яқинда япониялик машҳур меъмор Тадао Андо бошчилигида барпо этилган Давлат санъат музейига ташриф буюриши мумкинлиги ҳақидаги маълумотлар ҳам ўз ифодасини топган. «Пойтахт яқинидаги Чотқол тоғ тизмаларида «Амирсой» чанғи курорти мавжуд бўлиб, у қишки спорт турлари ишқибозлари учун машҳур жойга айланиб қолган», - дейилади мақолада.

Шунингдек, «The Evening Standards» газетаси жорий йилда Италия, Испания, Ирландия, Польша, АҚШ, Руанда ва Шри-Ланка бўйлаб саёҳат қилишга доир ўз таклифларини ҳам ўқувчилар эътиборига ҳавола қилган.

«The Evening Standards» газетасига 1827 йилда асос солинган. Ушбу нашр фақат тунда муштарийларга тарқатилади. Айни пайтда газетанинг кундалик адади қарийб 700 минг нусхани ташкил этади.

 

Ўзбекистон мусулмонлари идораси матбуот хизмати

Ўзбекистон янгиликлари
Бошқа мақолалар
Мақолалар

Абитуриентлар учун дуолар тўплами

15.07.2024   3400   2 min.
Абитуриентлар учун дуолар тўплами

Бисмиллаҳир Роҳманир Роҳийм

Бир неча юз минг абитуриент орзиқиб кутган вақт келди. 14 июлдан тест имтиҳонлари бошланади. Абитуриентларга қуйидаги дуоларни ўқишни тавсия этамиз:

﴿رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي يَفْقَهُوا قَوْلِي﴾


Ўқилиши: “Робби ишроҳ лий содрий ва йассир лий амрий, ваҳлул ъуқдатан мин лисаний, йафқоҳу қовлий”.


Маъноси: “Роббим, қалбимни кенг қил, ишимни осон қил, тилимдан тугунни ечиб юборгинки, сўзимни англашсин” (Тоҳа сураси, 25-оят).

﴿رَّبِّ زِدْنِي عِلْمًا﴾


Ўқилиши: “Робби зидний ъилман”.


Маъноси: “Роббим, илмимни зиёда қилгин” (Тоҳа сураси, 114-оят).

 

﴿سُبْحَانَكَ لاَ عِلْمَ لَنَا إِلاَّ مَا عَلَّمْتَنَا إِنَّكَ أَنتَ الْعَلِيمُ الْحَكِيمُ﴾


Ўқилиши: “Субҳанака лаа ъилма лана илла ма ъалламтана иннака антал-ъалиймул-ҳакийм”.


Маъноси: “Ўзинг поксан! Бизда Сен билдиргандан бошқа илм йўқ. Албатта, Сенинг Ўзинг билувчисан ва ҳикматли Зотсан” (Бақара сураси, 32-оят).

 

اللَّهُمَّ إِنِّي أَسْتَوْدِعُكَ مَا قَرأتُ وَمَا حَفَظْتُ فردده عَليّ عِنْدَ حَاجَتِي إِلَيهِ


Ўқилиши: “Аллоҳумма, инний аставдиъука маа қороьту ва маа ҳафазту фардудҳу ъалаййа ъинда ҳаажатий илайҳи”.


Маъноси: “Аллоҳим! Ўқиган ва ёд олган нарсаларимни Ўзингга топширдим, эҳтиёжим тушганда уларни менга қайтаргин”.

 

اللهُمَّ إِنِّي أَسْأَلُكَ عِلْمًا نَافِعًا


Ўқилиши: “Аллоҳумма инний асалука ъилман нафиъан”.


Маъноси: “Аллоҳим сендан фойдали илмни сўрайман”.

 

اللَّهُمَّ لاَ سَهْلاً إِلّاَ مَا جَعَلّتَهٌ سَهْلاً وَأَنّتَ تَجّعَلَ الحَزَنَ إِذَا شِئتَ سَهْلاً


Ўқилиши: “Аллоҳумма, лаа саҳлан илла маа жаъалтаҳу саҳлан ва анта тажъалул ҳазна иза шиьта саҳлан”.


Маъноси: Аллоҳим, Сен осон қилган нарсагина осондир. Хоҳласанг, қийинни осон қилурсан.

 

Даврон НУРМУҲАММАД

Мақолалар