21 Феврал, 2026, 4 Рамазон, 1447
21 Феврал, 2026, 4 Рамазон, 1447
Шу кунларда Ўзбекистон делегацияси таркибида бўлган Ўзбекистон мусулмонлари идораси раиси ўринбосари Иброҳимжон домла Иномов Россия Федерациясинида хизмат сафари билан бўлиб турибди.
Иброҳимжон домла Иномов сафар давомида Россия Федерациясининг турли вилоятларида бўлиб, у ерда таълим олаётган ва меҳнат қилаётган ватандошларимиз ҳолидан хабар олиб, улар фаолият юритаётган жойларда яратиб берилаётган шарт-шароитлар билан танишмоқда.
Шунингдек, ҳар бир ҳудудда расмий доирадаги масъуллар билан учрашиб, ватандошларимиз ҳуқуқ ва манфаатларини тўла таъминлаш масалалари муҳокама қилинмоқда. Бундай учрашувлар диний-маърифий йўналишда ҳам олиб борилаётгани ниҳоятда самарали кечмоқда.
Ўзбекистон делегациясининг ушбу мамлакатга ташрифи шу йил 26 июнгача давом этади.
Ўзбекистон мусулмонлари идораси Матбуот хизмати
Муборак ой муносабати билан Хоразм вилоятидаги кам таъминланган, эҳтиёжманд оилалар учун ҳам “Рамазон – меҳр-мурувват, аҳиллик ва шукроналик ойи”, деган эзгу ғоя асосида ифторлик дастурхонлари ёзилмоқда. Ҳозирга қадар умумий ҳисобда имомлар томонидан 11 та оилага кирилиб, уларга жами 27 миллион сўмлик озиқ-овқат жамланмалари туҳфа қилинди.
Жумладан, вилоят бош имом-хатиби Хайруллоҳ домла Абдуллаев Урганч шаҳридаги Абулғози Баҳодирхон кўчаси 159-уйда яшовчи Сўнажон Бозорбоева хонадонида файзли ифторлик уюштириб, хонадон аъзоларидан ҳол-аҳвол сўраб, уларнинг қалблари қувончга тўлдирилди.
Бу йилги Рамазонда вилоят маҳаллаларидаги кам таъминланганлар учун бошланган бундай ифторликлар Рамазонни янада файзли, тароватли ўтказишга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа