03 Ноябр, 2025, 12 Жумадул аввал, 1447
03 Ноябр, 2025, 12 Жумадул аввал, 1447
Бугун, 29 июнь куни Дин ишлари бўйича қўмитада “Конституция – миллатлараро тотувлик, динлараро бағрикенглик ва эътиқод эркинлигимиз гаровидир” мавзусида тадбир бўлиб ўтди. Унда Ўзбекистон Республикаси Олий Мажлис Қонунчилик палатаси спикерининг биринчи ўринбосари, Конституциявий комиссия раиси, юридик фанлари доктори, академик Акмал Саидов маърузачи сифатида иштирок этди.
ZOOM платформаси орқали ташкил этилган анжуманда Диний қўмитанинг ҳудудий бошқармалари ходимлари, вилоят ҳокимлари ўринбосарлари, вилоят, шаҳар-туманлар бош имом-хатиблари, диний таълим муассасалари раҳбар ва ўқитувчилари, ноисломий диний ташкилотлар вакиллари ҳамда ОАВ ходимлари қатнашди.
Йиғилиш аввалида Дин ишлари бўйича қўмита раисининг биринчи ўринбосари Давронбек Махсудов куни кеча Ўзбекистон Республикаси Олий Мажлисининг Қонунчилик палатаси “Ўзбекистон Республикаси Конституциясига ўзгартиш ва қўшимчалар киритиш тўғрисида”ги қонун лойиҳасини эълон қилгани, унда асосий қонуннинг 64 та моддасига 200 дан ортиқ ўзгартишлар киритиш ҳамда 16 та нормани ўз ичига олган 6 та янги модда (прим-моддалар) қўшиш таклиф этилгани, ушбу қонун лойиҳасида Дин ишлари бўйича қўмита томонидан берилган таклифлар ҳам ўрин олганини таъкидлади. Шу билан бирга кейинги йилларда диний-маърифий соҳада амалга оширилаётган ислоҳотлар, янгилик ва ўзгаришлар ҳақида маълумот берди.
Шундан сўнг академик Акмал Саидов сўзга чиқиб, сўнгги беш йилда ҳаётимизнинг барча жабҳаларида кенг қамровли ислоҳотлар олиб борилаётгани, бунинг замирида аввало инсон хуқуқ ва эркинликларига бўлган эътибор, унинг шаъни ва қадр-қимматини ҳурмат қилиш, инсон ҳуқуқларининг энг олий қадрият сифатида тан олиниши каби ҳаётий тамойил ётгани эътироф этиб, бугунги ислоҳотлар даврида Конституцияга ўзгартириш киритишга катта эҳтиёж сезилаётганини алоҳида таъкидлади.
Тадбир давомида Янги Ўзбекистонга ҳамда унинг тараққиётига жавоб берадиган янги қоидаларни киритиш кераклиги қайд этилиб, у Янги Ўзбекистон тараққиётининг ҳуқуқий асоси экани, фуқароларнинг бурч ва мажбуриятлари, инсон ҳуқуқ ва эркинликларини ҳимоялаши, жамият ҳаётининг барча соҳаларини изчил либераллаштириш ва модернизация қилиши, таълим, фан, маданият ҳамда маънавият ривожида муҳим ҳуқуқий асос бўлиб хизмат қилиши тўғрисида батафсил тушунтиришлар берилди.
Тадбир якунида иштирокчилар ўзларини қизиқтирган саволларга батафсил жавоб олишди.
Ўзбекистон мусулмонлари идораси Матбуот хизмати
Шу йил 3-6 ноябрь кунлари Тошкент шаҳридаги “Swissôtel Tashkent” меҳмонхонасида диний соҳа ва жамоат етакчиларининг хабар ва контентлар тайёрлаш салоҳиятини ошириш бўйича семинар-тренинг бўлиб ўтмоқда. Унда Диний идора ва Дин ишлари бўйича қўмита раҳбарияти, масъул ходимлари, Қорақалпоғистон Республикаси, вилоятлар ва Тошкент шаҳар масжидларида фаолият юритувчи имом-хатиблар иштирок этди.
Ушбу тадбир Дин ишлари бўйича қўмита, Ўзбекистон мусулмонлари идораси ва Бирлашган Араб Амирликларининг “HEDAYAH” экстремизм ва зўравонликка қарши курашиш бўйича халқаро маркази билан ҳамкорликда ташкил этилди.
Очилиш маросимида Ўзбекистон мусулмонлари идораси раисининг биринчи ўринбосари Ҳомиджон домла Ишматбеков нутқ сўзлади. Унда бугун замон шиддатига ҳамоҳанг равишда медиа соҳаси ҳам тезкор ривожланиб бораётгани, бу эса барча жабҳалар қатори диний соҳага ҳам ўз таъсирини ўтказаётгани айтиб ўтди.
Ҳомиджон домла ўз сўзи давомида кейинги вақтда диний тушунчаларни нотўғри талқин қилаётган гуруҳларнинг кенг ёйилиб бораётгани, уларга қарши туриш учун соҳа мутахассислари доимо ўз устида ишлаб бориши лозимлиги, бу борада “Hedayah” халқаро маркази билан яхши ҳамкорлик алоқалари йўлга қўйилгани, мазкур семинар-тренингда раддиялар бериш йўналишида ўзаро тажриба алмашиш билан аҳамиятли эканини таъкидлади.
Шунингдек, тадбирда Дин ишлари бўйича қўмита бўлим бошлиғи Дилшод Бобожонов ва Диний идора бўлим бошлиғи Шавкат Ҳамдамов мавзу доирасида ўз фикр-мулоҳазаларини билдирди.
“Hedayah” халқаро маркази масъул вакили, дастур менежери Hafedh Dridi сўнгги йилларда марказ ва Ўзбекистондаги диний соҳага оид илмий-тадқиқот муассасалари ўртасидаги алоқалар мустаҳкамланиб бораётгани, бугунги таҳликали даврда динни нотўғри талқин қилиш оқибатида кўплаб зиддиятлар содир бўлаётгани, бунинг сабаби илмсизлик ва динни тўғри англамасликда деб билиши, ёшларни бундай таҳдидлардан ҳимоя қилишнинг бир қанча йўллари мавжуд ва уларнинг аввалида илм туришини қайд этди.
Уч кун давом этадиган семинар-тренингда юртимиз диний соҳа ходимлари ва “Hedayah” халқаро маркази вакиллари ўзаро тажриба алмашиш баробарида медиа контент тайёрлаш бўйича малака ҳосил қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 