Сайт тест ҳолатида ишламоқда!
13 Июл, 2025   |   18 Муҳаррам, 1447

Тошкент шаҳри
Бомдод
03:20
Қуёш
05:01
Пешин
12:34
Аср
17:40
Шом
20:00
Хуфтон
21:33
Bismillah
13 Июл, 2025, 18 Муҳаррам, 1447

Ўзбекистон – Индонезия ОАВлари нигоҳида

05.07.2022   951   1 min.
Ўзбекистон – Индонезия ОАВлари нигоҳида

Индонезиянинг «iNews» машҳур оммавий ахборот воситалари сайтида Ўзбекистондаги зиёрат туризмининг имкониятлари ҳақида туркум мақолалар эълон қилинди", деб хабар бермоқда «Дунё» ахборот агентлиги.
Хабар қилинишича, “Халқаро зиёрат туризми ҳафталиги” 2022 йилнинг ноябрь ойида ўтказилади.

Тадбир Марказий Осиё мамлакатидаги диний туристик диққатга сазовор жойларни кўришга сайёҳларни жалб қилишга қаратилган.

“Мақсад мамлакатимиздаги мавжуд зиёрат туризми салоҳиятидан янада унумли фойдаланиш ҳисобланади“, - Ўзбекистон элчихонаси ходими сўзларидан иқтибос келтиради нашр.

Ўзбекистон жаҳон цивилизациясининг энг муҳим марказларидан бири эканлиги алоҳида таъкидланади. Шунинг учун Халқаро зиёрат туризм ҳафталигининг фаолияти жаҳон ҳамжамияти, халқаро ташкилотлар томонидан юқори эътирофга сазовор бўлиш, шунингдек, зиёрат туризми хизматларини диверсификация қилиш ва туристик оқимни оширишга мўлжалланган.

Халқаро зиёрат туризми ҳафталиги турли тадбирлар, жумладан, Ўзбекистонда чоп этилган таниқли олимларнинг диний китоблари, қадимий Қуръон кўргазмалари ҳамда қизиқарли эсдалик совғалари билан тўла бўлади. Халқаро ҳафталикда, масалан, Самарқандда халқаро ҳафталикнинг расмий очилиши, "Ўзбекистон Ислом мероси" конференцияси, куй ва халқ қўшиқлари фестивали тадбирларини ҳар йили ташкил этиш ҳам кўзда тутилган.

Бухорода "Мир Араб мадрасаси битирувчилари" форуми, "Замонавий Ислом меъморчилиги" ва "Ислом хаттотлиги ва декоратив дизайн" кўргазмалари, "Ислом иқтисодиёти" мавзусида давра суҳбати, миллий либослар кўргазмаси, "Ҳалол туризм" анжумани, "Ҳалол таомлар" фестивали ўтказилади", семинарлар, илмий-маданий конференциялар ва маърифий тадбирлар ўтказилади, деб ёзмоқда «iNews».

 

Ўзбекистон мусулмонлари идораси Матбуот хизмати

Ўзбекистон янгиликлари
Бошқа мақолалар
Мақолалар

“Қуръони каримни ўқишдан сени нима чалғитди?!”

11.07.2025   3212   3 min.
“Қуръони каримни ўқишдан сени нима чалғитди?!”

Холид ибн Валид розияллоҳу анҳу ёшлари ўтиб, кексайиб қолган чоғларида Мусҳафи шарифни олиб, йиғлаб туриб шундай дер эдилар: “Жиҳодлар билан овора бўлиб сени ўқий олмай қолдик”.

Бу қандайин гўзал узр! Хўш, биз ўзимизни нима деб оқлаймиз?! Холид ибн Валид розияллоҳу анҳу шундайин гап айтдилар, аммо биз нима деймиз?! Қиёмат кунида “Қуръони карим ўқишдан сени нима чалғитди?!” – деб сўралсак, нима деб жавоб берамиз?! Токи у бизни зараримизга эмас, фойдамизга ҳужжат бўлиши учун кўксимизга босиб, кечаю кундуз тиловат қилиб бормаймизми?! Ахир Пайғамбаримиз соллаллоҳу алайҳи васаллам: “Аллоҳ таолонинг зикрини лозим тут, Қуръони карим тиловатида маҳкам бўл. Чунки бу сенинг осмондаги руҳинг, ердаги зикрингдир” [1], деганлар.

Қурони карим оятларини тадаббур қилмасдан, маънолари ҳақида фикр юритмаган ҳолда, ҳеч қандай тушунчасиз кўп тиловат қилиш асосий мақсад эмас. Агар инсон бир неча оятни тадаббур қилса, тафсир китобларига мурожаат этса ёки тафсир дарсларига қатнашса, маъноларни ўзлаштирса ва уларга амал қилса, бу иши ўша инсон учун улкан яхшилик, хайр-барака бўлади.

Имом  Ғаззолий ҳазратлари бундай дейдилар: “Қуръон сиз сўрашингиз мумкин бўлган ва у сизнинг сўровларингизга жавоб бера оладиган тирик Расулдир. Сиз унга қулоқ солсангиз, у сизни қондиради”.

Қалблари иймон нури ила қоришиб кетган зотлар учун, албатта, Қуръонда шифо бордир. Яна Қуръони каримда саросима, шайтоний васвасалар, нафсу ҳавога эргашишдан сақловчи шифо бор. Қуръон ўқиган пайтимизда бизни фаришталар қуршаб олади ва улар ҳам бизга қўшилиб Раҳмон бўлган Зотнинг оятларига қулоқ тутади. Само фаришталари туни билан Қуръонга қоим бўладиган ер фаришталарига яқинлашадилар. Энди айтинг-чи, одамлар ухлаётган пайтда, тун қоронғусида биз Қуръон тиловат қиляпмизми?! Еру осмонлар Робби бизга қулоқ соладиган даражада  оятларини тиловат қиляпмизми?!

 Аллоҳ таолонинг шифо оятлари қуйидагилардир:

«...Ва мўмин қавмларнинг кўнгилларига шифо берадир» (Тавба сураси, 14-оят).

«Эй одамлар! Сизга ўз Раббингиздан мавъиза, кўксингиздаги нарсага шифо, мўминларга ҳидоят ва раҳмат келди» (Юнус сураси, 57-оят).

«Биз Қуръонни мўминлар учун шифо ва раҳмат ўлароқ нозил қилурмиз...» (Исро сураси, 82-оят).

«...У иймон келтирганлар учун ҳидоят ва шифодир...» (Фуссилат сураси, 44-оят).

«...Унда (асалда) одамлар учун шифо бордир...»  (Наҳл сураси, 69-оят).

«Бемор бўлганимда менга шифо берадиган ҳам Унинг Ўзи» (Шуаро сураси, 80-оят).

 Қуръони каримни тиловат қилиш, эшитиш, амал қилиш ва ҳар бир ишда ундаги ҳукмларга таяниб иш кўришдан четлашманг!

Ҳассон Шамсий Пошонинг
“Жаннат бўстонидаги оилавий оқшомлар” номли китобидан
Ғиёсиддин Ҳабибуллоҳ, Илҳом Оҳунд, Абдулбосит Абдулвоҳид таржимаси.


[1]  Имом Аҳмад ривояти.

 

 

Мақолалар