Мусулмон ёзувчи Нобел мукофотини олди
Адабиёт бўйича 2021 йилги Нобел мукофоти лауреати Буюк Британияда яшовчи танзаниялик Абдулраззоқ Гурнага тақдим этилди. Бу ҳақда Швеция Қироллик Фанлар академияси Нобел қўмитаси маълум қилди. Абдулраззоқ Гурна «маданиятлар ва қитъалар орасидаги жарликда мустамлакачиликнинг оқибатлари ва қочқин тақдирини муросасиз ўргангани» учун мукофотланган, дейилади қўмита хабарида. Соврин эгасига Швеция академиги томонидан 1,14 миллион АҚШ доллари берилади.
Абдулраззоқ Гурна 1948 йилда Занзибар оролида араб миллатига мансуб мусулмон оиласида туғилган. 20 ёшида у Буюк Британияга кўчиб келган, Кент университетида докторлик унвонини олган ва ҳозир инглиз тили бўлимининг аспирантурасига раҳбарлик қилмоқда.
73 ёшли Гурна 10 та роман муаллифи бўлиб, шулардан энг машҳури «Жаннат» ва «Чўл».
«Бу мен учун жуда кутилмаган воқеа бўлди, мен узоқ вақтдан бери бу воқеа мен билан содир бўлаётганини тушуна олмадим», дейди мусулмон ёзувчи.
islom.uz
Мурувватли бўлиш — олий фазилат ва инсоний бурчдир
Бугун, 18 сентябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Қорақалпоғистон Республикасига хизмат сафари давомида Нукус шаҳридаги “Имом эшон Муҳаммад” жоме масжидида жума намозини адо этдилар.
Муфтий ҳазратлари намоздан олдин жамоатга “Мурувватли бўлиш — олий фазилат!” мавзусида манфаатли маъруза қилиб бердилар.
Маърузада таъкидланганидек, мурувват — меҳр-шафқат, саховат ва муҳтожларга ёрдам бериш каби энг гўзал инсоний фазилатлардан саналади. Ўзини саховатли деб билган инсон ўз манфаатини ўзгалардан устун қўймаслиги, кексалар ҳолидан хабар олиши, йиқилганни суяш орқали қалбан хотиржамлик топади.
Шунингдек, бугунги тезкор замонда бир-биримизга бағрикенг бўлиш жамиятда тинчлик, барака ҳамда ҳамжиҳатликни барқарор қилиши, ушбу олий фазилатни ўзимизда шакллантириб, фарзандларимизга мерос қолдириш ҳар биримизнинг бурчимиз эканлиги алоҳида уқтирилди.
Файзли суҳбат якунида юртимизга тинчлик-омонлик ва хонадонларимизга барака тилаб хайрли дуолар қилинди.
Ўзбекистон мусулмонлари идораси Матбуот хизмати
- «
- »