Sayt test holatida ishlamoqda!
19 Noyabr, 2026   |   9 Jumadul soni, 1448

Toshkent shahri
Tong
05:53
Quyosh
07:11
Peshin
12:14
Asr
15:19
Shom
17:04
Xufton
18:19
Bismillah
19 Noyabr, 2026, 9 Jumadul soni, 1448

Bosh imom-xatiblar seminari (Andijon)

15.05.2024   6737   2 min.
Bosh imom-xatiblar seminari (Andijon)

Joriy yilning 14 may kuni Izboskan tumanidagi “So'fi Oxun” jome masjidida shahar-tuman bosh imom-xatiblarining seminar-yig'ilish o'tkazildi. 

Seminar-yig'ilishida shahar-tuman bosh imom-xatiblari, bosh muxtasiblar hamda Izboskan tumanida faoliyat ko'rsatayotgan imom-xatiblar, imom-noiblar, mutavallilar ham ishtirok etdi.

Seminarni viloyat bosh imom-xatibi Mirzamaqsud domla Alimov, viloyat hokimi o'rinbosari R.B.Arziyev hamda hamkor tashkilot vakillari olib borishdi.

Dastavval, Izboskan tumanida faoliyat ko'rsatayotgan masjidlarda ish yuritish xujjatlari, obodonchilik, imom-xatiblarning faoliyatlari yuzasidan tumandagi har bir masjidga biriktirilgan shahar-tuman bosh imom-xatiblarining axborotlari tinglandi va muhokama qilindi.

Shundan so'ng esa, viloyat rahbarlari tomonidan imom-xatiblar oldida turgan dolzarb vazifalar, ularning faoliyat samaradorligini oshirish borasida nimalarga e'tibor qaratish lozimligi to'g'risida bir qator ko'rsatma va topshiriqlar berildi. 

Seminar-yig'ilishining ikkinchi qismida joriy “Haj-2024” mavsumida viloyatimizdan haj safariga ketayotgan ziyoratchilarga ellikboshi bo'lib biriktirilgan imom-xatiblar ishtirokida ham yig'ilish o'tkazilib, joriy yilgi haj mavsumini namunaviy va tartibli tashkil qilishlik, uni yuqori saviyada o'tkazish, viloyatdan ketayotgan ziyoratchilarga ellikboshilar tomonidan qilinadigan xizmatlar, ularning vazifalari nimalardan iborat ekanligi muhokama qilindi.

Yig'ilish yakunida esa kun tartibida muhokama qilingan masalalar yuzasidan tegishli qarorlar qabul qilindi.

 

Andijon viloyati vakilligi 

Matbuot xizmati

Boshqa maqolalar
Yangiliklar

Katta Langar Qur’onining noyob sahifasi Qatardagi ko‘rgazmada namoyish etilmoqda

19.11.2026   3473   1 min.
Katta Langar Qur’onining noyob sahifasi Qatardagi ko‘rgazmada namoyish etilmoqda

Shu yilning 3 sentyabridan 28 noyabriga qadar Qatarning Doha shahridagi Islom san’ati muzeyida “O‘zbekiston: boqiy meros” nomli yirik xalqaro ko‘rgazma bo‘lib o‘tmoqda.

Davlatimiz rahbari tashabbusi bilan Madaniyat va san’atni rivojlantirish jamg‘armasi tomonidan tashkil etilgan ushbu nufuzli tadbirda yurtimizdagi 7 ta muzeyga tegishli 152 ta noyob tarixiy ashyo bilan bir qatorda O‘zbekiston musulmonlari idorasi kutubxonasi fondida saqlanayotgan bebaho xazina – Katta Langar Qur’onining sahifasi ham namoyish etilmoqda.

Mazkur mas’uliyatli jarayonga tayyorgarlik puxta olib borildi. Xususan, O‘zbekiston musulmonlari idorasi raisi, muftiy shayx Nuriddin Xoliqnazar hazratlari ushbu Mus'hafning xavfsizligini ta’minlash, kelajak avlodga bezavol yetkazish va xalqaro ko‘rgazmada munosib taqdim etish yuzasidan muhim ko‘rsatmalar berdilar. Shuningdek, bu tarixiy qadam yurtimiz va boy islomiy merosimiz targ‘ibotida manfaatli bo‘lishini tilab, xayrli duolar qildilar. Diniy idora raisining birinchi o‘rinbosari Homidjon domla Ishmatbekov esa tashkiliy-tayyorgarlik ishlarini muvofiqlashtirib, Dohaga yo‘l olgan vakillarimizni kuzatib qo‘ydilar.

Shundan so‘ng Diniy idora Kutubxona bo‘limi xodimlari Doha shahriga yetib borib, xalqaro mutaxassislar bilan hamkorlikda Mus'haf sahifasini namoyishga har jihatdan tayyorladilar va ko‘rgazma zalidagi maxsus himoyalangan jihozga joylashtirdilar.

Ko‘rgazmaga tashrif buyurayotgan xorijiy olimlar, san’atshunoslar va ko‘plab mehmonlar Islom tamaddunining betakror durdonasi sanalmish Katta Langar Qur’oni sahifasini katta qiziqish va ehtirom bilan tomosha qilmoqdalar. Tadbir ishtirokchilari bu bebaho obidaning asrlar osha butunligicha asrab-avaylab kelinayotganini yuksak baholab, O‘zbekistonning boy diniy-ma’rifiy merosi hamda xalqimizning islom sivilizatsiyasi rivojiga qo‘shgan ulkan hissasini alohida e’tirof etmoqdalar.

O‘zbekiston musulmonlari idorasi Matbuot xizmati

O'zbekiston yangiliklari