Сайт тест ҳолатида ишламоқда!
18 Ноябр, 2026   |   8 Жумадул сони, 1448

Тошкент шаҳри
Бомдод
05:52
Қуёш
07:09
Пешин
12:13
Аср
15:20
Шом
17:04
Хуфтон
18:20
Bismillah
18 Ноябр, 2026, 8 Жумадул сони, 1448

Оқимларга эргашманг!

31.05.2023   4110   2 min.
Оқимларга эргашманг!

Барчамизга маълум, бугунги кунда интернет оламининг имконияти, кўлами яна ҳам кенгайди. Кўп давлатларда жорий қилинган карантин сабаб, одамлар уйда қолиб, ушбу тармоқдан фойдаланиш ҳолати бир мунча ўсди. Бу эса, айрим бузғунчи оқимларнинг ўзлари илгари сураётган даъволарини кенг оммага тарқатиш имконияти янада қулай бўлди. Айниқса, бизнинг диёрда, телеграм мессенжеридан фойдаланувчиларнинг сон жиҳатидан кўп бўлиши буларга қўл келди. Ўзи аввалдан ҳам телеграмдаги бу оқимларнинг фаолияти жуда ҳам юқори эди. Уларнинг «даъватлари» билан йўғрилган каналларга, афсуски, қанчадан қанча ватандошларимиз, Исломни ўрганиш мақсадида, уларнинг ниятини англамасдан аъзо бўлиб, натижада эътиқодга тегишли масалаларда иккиланиш ҳолатлари кўзга ташланиб қолди ва. Айниқса, кундалик намозлардан кейин ўқиладиган зикрлар тўғрисидаги ноўрин гаплар, иймон ва амал ҳақидаги мулоҳазалар, жума табриги мавзуси ва ҳоказо ҳолатларда одамлар ўртасида қарама-қарши фикрлар ўйғонишига сабаб бўлди. Карантин даврида эса, ушбу «даъватчилар» яна ҳам фаоллашиб, ҳанафий мазҳабини ниқоб қилиб олиб, гўёки Имоми Аъзам роҳматуллоҳи алайҳга ўзини эргашган қилиб кўрсатиб, аслида эса бемазҳабликни тарқатишга қаратилган ғояларни сингдиришга бўлган ҳаракатлар аввалгидан ҳам авж олди.

Халқимизда Исломни ўрганишга бўлган интилиш юқори бўлгани учун, бу масалада керакли маълумотлар билан қондириш мақсадида, ҳозирда, алҳамдулиллаҳ, Ўзбекистон мусулмонлари идораси тизимида фаолият юритиб турган аҳли илмларимиз томонидан, ютуб, телеграм, фейсбук ва бошқа ахборот воситалари орқали етарли маълумотлар бериб бориш йўлга қўйилди. Ватандошларимизни динимизга тегишли бўлган масалаларда ёрдам бериш мақсадида алоҳида савол-жавобларга қаратилган телеграм каналлари, колл-центрлар ташкил қилинди. Албатта, бунга ундаган нарса, халқимизнинг ақидавий, фиқҳий масалалардаги керакли, асосли билимлар билан таъминлаш, уларнинг ақидасини софлигини сақлаб қолиш кўзда тутилган. Ушбулардан келиб чиқиб, айтмоқчи бўлганимиз, аввало огоҳлик маъносида, қолаверса, Аллоҳ таолонинг мўмин мўминнинг биродари, деган Каломига мувофиқ, диндошлик юзасидан мана шундай оқимларга хайриҳоҳ бўлиб қолиб, ўзларига жабр қилиб қўйишларидан эҳтиёт бўлишларига чақирган бўлар эдик. Зеро, ҳазрати Расули акрам соллаллоҳу алайҳи васаллам: “Мўминлар бир-бирларига меҳр-муҳаббат ва ғамхўрлик қилишда бамисоли битта тана кабидирлар. Агар танада бир аъзо оғриса, қолган аъзолар иситма ва бедорлик билан унга шерик бўлади” (Муттафақун алайҳ), дея бежиз айтмаганлар. Бу эса, бир ватандошимизнинг жабр тортиши бизга ҳам озор беришидан дарак беради.

 

Қодиржон Умурзаков,

Поп тумани «Муҳаммаджон қори»жоме

масжидининг имом-хатиби

Медиа
Бошқа мақолалар
Янгиликлар

"Ҳаким Термизий илмий-маънавий меросининг бугунги кундаги аҳамияти" мавзусида халқаро илмий конференция бўлиб ўтади

18.11.2026   38   1 min.

2026 йил 20 ноябрь куни дунёнинг турли мамлакатларидан таниқли олимлар ва уламолар қадимий Термиз шаҳрида жам бўлишади.

Термиз шаҳрида жойлашган Имом Термизий халқаро илмий-тадқиқот марказида буюк ватандошимиз, ҳадис ва тасаввуф илмининг йирик намояндаси Ҳаким Термизий таваллудининг 1200 йиллигига бағишланган "Ҳаким Термизий илмий-маънавий меросининг бугунги кундаги аҳамияти" мавзусида халқаро илмий конференция бўлиб ўтади.

Мазкур нуфузли конференция Ўзбекистон Республикаси Президентининг 2026 йил 24 июлдаги қарори ижроси доирасида ташкил этилмоқда.

Конференцияда юртимиз ва хорижий мамлакатлардан таниқли исломшунос олимлар, уламолар, соҳа мутахассислари Ҳаким Термизийнинг ислом цивилизацияси ривожидаги ўрни, бой илмий-маънавий мероси ва унинг замонавий жамият ҳаётидаги аҳамиятига оид маърузалар билан қатнашадилар.

Шунингдек, тадбир доирасида ноёб қўлёзмалар, илмий нашрлар ва замонавий тадқиқотлар кўргазмаси ҳамда муқаддас қадамжоларга зиёратлар ташкил этилади.

Конференция иши маҳаллий ва хорижий оммавий ахборот воситалари, телеканаллар, газета ва журналлар ҳамда интернет нашрлари орқали кенг ёритиб борилади.

Ўзбекистон мусулмонлари идораси Матбуот хизмати

.  

Ўзбекистон янгиликлари