2017 yil 14 fevral kuni O‘zbekiston musulmonlari idorasi tizimidagi futbol jamoalari o‘rtasida “Xalq bilan muloqot va inson manfaatlari yili” munosabati bilan o‘tkazilgan futbol turniri ham o‘z nihoyasiga yetdi. Final o‘yinida, “Hazrati imom” va “Buxoriy avlodlari” jamoalari o‘zaro to‘p surishdi.

Ushbu uchrashuvga xalqaro toifadagi futbol referilari va futbol ixlosmandlari tashrif buyurishdi. Tomoshabinlarning gulduros qarsaklari ostida boshlangan final o‘yini, juda ham qiziqarli va murosasiz kechdi. Yurtimizda qish fasli bo‘lgani sababli, havo biroz yomg‘irli bo‘lgan bo‘lsada, lekin bu futbolchilarning o‘yinlari va kayfiyatlariga aslo ta’sir ko‘rsatmadi, aksincha, samodan yog‘ayotgan yomg‘ir tomchilari ularga o‘zgacha kuch-quvvat va tetiklik bag‘ishladi. Demak, quyida final uchrashuvi natijalari va turli nominatsiyalar bo‘yicha g‘oliblikni qo‘lga kiritgan futbolchilar bilan tanishasiz:

1-o‘rin "Buxoriy avlodlari" jamoasi.

2-o‘rin “Hazrati Imom” jamoasi.

3-o‘rin “Movarounnahr” jamoasi.

Turli nominatsiyalar bo‘yicha taqdirlanganlar:

1. Eng yaxshi darvozabon – Sagdiyev Ahmadjon (“Buxoriy avlodlari” jamoasi darvozaboni)
2. Eng yaxshi himoyachi – Amanov Hoshim (“Buxoriy avlodlari” jamoasi himoyachisi)
3. Eng yaxshi yarim himoyachi – Shoymirov Akbar (“Movarounnahr” jamoasi yarim himoyachi)
4. Eng yaxshi hujumchi – No‘monov Kamoliddin (“Minor” jamoasi hujumchisi)
5. Eng ko‘p to‘purar – Parpiyev Bahriddin (“Movarounnahr” jamoasi hujumchisi)
6. Eng chiroyli goll sohibi – Toshpo‘latov Hasan (“Buxoriy avlodlari” jamoasi hujumchisi)
7. Yang jonkuyar muxlis – Rahmatov Azamat

Final o‘yini yakunida, joriy turnirga mezbonlik qilgan Toshkent islom instituti tomonidan g‘olib jamoalar va mehmonlarga faxriy yorliqlar, tashakkurnomalar hamda qimmatbaho sovg‘alar topshirildi.

O‘zbekiston musulmonlari idorasi

axborot xizmati