Avval xabar berganimizdek, joriy yilning 11–16 noyabr kunlari yurtimiz bo‘ylab Bag‘rikenglik haftaligi o‘tkaziladi.
Ushbu haftalik doirasida mamlakatimizda millatlararo totuvlik va diniy bag‘rikenglikni ta’minlash borasida amalga oshirilayotgan ishlar yuzasidan "O‘zbekiston – bag‘rikeng diyor" mavzusida Xalqaro press-klub bo‘lib o‘tdi.
Unda bir qator tashkilotlar, milliy madaniy markaz rahbarlari va konfessiya vakillari ishtirok etdi.
Spikerlar tomonidan mamlakatimizda olib borilayotgan millatlararo totuvlik va diniy bag‘rikenglik siyosatiga yuqori baho berib, yurtimizda keng nishonlanadigan "Bag‘rikenglik haftaligi" doirasida bo‘lib o‘tadigan tadbirlar xalqlarimiz orasidagi do‘stlik rishtalarining rivoj topishiga, millatlararo totuvlik va diniy bag‘rikenlik munosabatlarini yanada mustahkamlashga xizmat qilishi ta’kidlandi.
O‘zbekiston musulmonlari idorasi
Matbuot xizmati
Muborak Ramazon oyi arafasida Urganch tumani ahli uchun chinakam ma’naviy tuhfa taqdim etildi. Zamonaviy va barcha qulayliklarga ega bo‘lgan “Qambar bobo” jome masjidining yangi binosi foydalanishga topshirildi.
Ochilish marosimida Xorazm viloyati bosh imomi Xayrulla domla Abdullayev ishtirok etib, yig‘ilganlarni yangi masjid bilan qutladi va masjidlarni obod qilishning ulkan ajru savoblari haqida so‘zladi.
800 nafar namozxonga mo‘ljallangan ushbu muhtasham maskan yurtimizdagi xayrli bunyodkorlik ishlarining yorqin namunasi bo‘ldi.
Tadbir yakunida nuroniylar va jamoatchilik vakillari tomonidan yurt tinchligi hamda ushbu ezgu ishga hissa qo‘shgan barcha saxovatpesha insonlar haqqiga xayrli duolar qilindi.
Xorazm viloyati vakilligi
Matbuot xizmati