Jismonan sog‘lom, ma’nan barkamol avlodni tarbiyalash maqsadida shu yil 27-28 yanvar kunlari “Nazarbek” talabalar turar joyida “Barkamol avlod” sport musobaqasi tashkil etildi.

Musobaqa 3 ta sport turi — shaxmat, stol tennisi va o‘zbek milliy kurashi bo‘yicha o‘tkazildi.

E’tiborlisi, bellashuv nafaqat talabalar o‘rtasida, balki ustoz va murabbiylar o‘rtasida ham stol tennisi bo‘yicha tashkil qilindi.

Murosasiz kechgan bahslarda musobaqa g‘oliblari aniqlandi. Barcha ishtirokchilar sportda o‘z kuchini sinab ko‘rish barobarida bir-biri bilan tajriba almashish, do‘stona muhitda kuchli jamoa sifatida harakat qilish imkoniyatini berdi. Shuningdek, yoshlarning sportga bo‘lgan qiziqishini yanada oshirdi.

G‘oliblarga ta’lim muassasasining diplom va qimmatbaho esdalik sovg‘alari topshirildi. 

Saidazimxon SAIDAKRAMOV, 
“Ko‘kaldosh” O‘MIBYU mudarrisi