Иқтибослар (1-инфографика)
Бугун юртимиздаги масжид, мадраса ва зиёратгоҳлар обод этилмоқда, аждодлар мероси тадқиқ этилмоқда, Қуръон курсларида минглаб ҳамюртларимиз сабоқ олмоқда, ҳаж ва умра амалларини адо этиш имконияти кенгаймоқда.
Пойтахтимизда бунёд этилган муҳташам Ислом цивилизацияси маркази ва Самарқанд вилоятида қад ростлаган маҳобатли Имом Бухорий мажмуасининг очилиш маросимлари нафақат халқимиз учун, балки бутун мусулмон уммати учун энг муносиб Рамазон туҳфаси бўлади, инша Аллоҳ.
Шайх Нуриддин Холиқназар ҳазратларининг Рамазон ойи табриги ва мурожаатидан
Башакшеҳирда имомлар юртдошларимизнинг ислом динига оид саволларига жавоб беришди
Ўзбекистон Бош консулхонаси дипломатлари Истанбул шаҳрининг Башакшеҳир туманида ҳамюртларимизнинг мурожаатларини тинглаш ва уларнинг масалаларига амалий кўмак кўрсатиш мақсадида сайёр қабул ўтказди, деб хабар бермоқда “Дунё” АА.
Ташрифдан асосий мақсад ушбу ҳудудда яшаб, фаолият юритаётган ватандошларимизга зарур консуллик-ҳуқуқий маслаҳатлар бериш ва уларни қизиқтирган саволлар юзасидан амалий кўмак кўрсатишдан иборат бўлди.
Сафар давомида дипломатларга Ўзбекистон Мусулмонлари идораси вакиллари ҳам ҳамроҳлик қилди. Улар юртдошларимизнинг ислом динига оид саволларига жавоб берди ва турли тақиқланган ҳамда ақидавий жиҳатдан нотўғри йўналишдаги ташкилотларга алданиб қолмаслик учун зарур маслаҳатлар берди.
Ҳамюртларимизнинг Туркия ҳудудида қонуний яшашига оид масалалар, уларнинг ҳуқуқий ҳолати, ҳужжатлари ҳамда консуллик ёрдами кўрсатиш имкониятлари юзасидан фикр алмашилди.
Бош консулхона вакиллари зарур ҳолларда Ўзбекистон фуқароларига ҳужжатларни расмийлаштириш ҳамда ватанга қайтиш билан боғлиқ масалаларда амалий кўмак беришга тайёр эканини билдирди.
Ўзбекистон мусулмонлари идораси Матбуот хизмати
- «
- »