03 Апрел, 2026, 14 Шаввол, 1447
03 Апрел, 2026, 14 Шаввол, 1447
«Ҳалол!» Курашда рақибининг елкасини ғирромсиз ерга теккизиш "ҳалол" дейилади.
"Ҳалол" – беллашаётган марднинг ори, номуси, ғурури. Ҳамма полвонлар шу каломни эшитиш орзусида майдонга тушадилар. "Ҳалол" учун курашадилар.
Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ташаббуслари билан имом-хатиблар ва имом ноиблари ўтрасида миллий кураш мусобақаси ўтказиляпти.
Бугун, 1 апрель куни "Сағбон" спорт мажмуасида имом-хатиблар ва имом ноиблари ўртасида ўтказилаётган миллий курашнинг Тошкент шаҳар босқичи бўлиб ўтди.
Тадбирни Тошкент шаҳар бош имом-хатиби ўринбосарлари Абдуллоҳ домла Йўлдошев ва Эргашали домла Рустамовлар очиб беришди.
Шунингдек, мусобақага ташриф буюрган Ўзбекистон спорт курашлари ассоциацияси Тошкент шаҳар бошқармаси масъул ходимлари ҳам мусобақа қатнашчиларига омад ва муваффақиятлар тиладилар.
Мусобақада пойтахтимиз туманларидан саралаб олинган полвонлар гиламга чиқдилар.
"Ҳалол!" деган сўзни эшитиш учун беллашувларда ҳалолликка риоя қилган иродали, бақувват, эпчил ва абжир диний соҳа ходимлари ғалаба қозониши тайин.
Ҳакамлар ҳайъатининг хулосаларига кўра, 90 кг вазн тоифасида:
I ўрин – "Усмон ибн Мазъун" масжиди имом-ноиби Абдуманнон Авлоёровга;
II ўрин – "Абдуқодир ҳожи ота" масжиди имом-ноиби Муҳаммадюсуф Абдукабировга;
III ўрин – "Саид Ваққос ота" масжиди имом-ноиби Умаржон Абдуманноновга насиб этди.
81 кг. вазн тоифасида эса:
I ўрин – "Собитхон Ҳожи" масжиди имом-ноиби Бурҳониддин Аллаёровга;
II ўрин – "Алибек" масжиди имом-ноиби Сулаймон Файзуллаевга;
III ўрин – "Коҳ ота Бузрук" масжиди имом-ноиби Мухтор Абзаловга насиб этди.
73 кг. вазг тоифдасида:
I ўрин – "Масжидул Хайр" масжиди имом-ноиби Абдулбосит Жўраевга;
II ўрин – "Ал-бадр" масжиди имом-ноиби Жамшид Назаровга;
III ўрин – "Абдулҳамид ҳожи" масжиди имом-хатиби Жамолиддин Азимовга насиб этди.
Шунингдек, мусобақада турли номинациялар бўйича ҳам совриндорлар аниқланди.
Ғолиб ва совриндорларга Ўзбекистон мусулмонлари идораси Тошкент шаҳар вакиллиги ҳамда ҳомийларнинг ташаккурнома ва совғалари топширилди.
Тошкент шаҳар вакиллиги
Матбуот хизмати
Бисмиллаҳир Роҳманир Роҳийм
Хушхулқлик – бандаликнинг энг улуғ даражаси бўлиб, унда мардликнинг чин сурати намоён бўлади. Аллоҳ таоло Ўзининг Расули соллаллоҳу алайҳи васалламга кўплаб фазилатлар ато этганига қарамасдан у зот соллаллоҳу алайҳи васалламни айнан хулқи хушлари билан мадҳ этди. Аллоҳ таоло айтади: “Албатта Сиз улуғ хулқ устидадирсиз!” (Қалам сураси, 4-оят).
Олимлар қайд этадилар: “Улуғ хулқ дегани шундай хулқ ҳисобланадики, бундай хулқ соҳиби ҳеч кимга нисбатан адоватда бўлмайди ва унда одамларнинг нафратига сабаб бўладиган заррача бўлса ҳам ёмон иллатнинг ўзи бўлмайди. Буларнинг барчаси Аллоҳни танишнинг юксак даражалари туфайлидир”.
Бошқа олимлар дейдилар: “Улуғ хулқ – бу одамларнинг унга нисбатан қилган жабру жафоларини Аллоҳдан деб билганлиги сабаб улардан ранжимаслигидир”.
Олимларнинг қуйидагича фикрлари ҳам бор: “Улуғ хулқ – бу кишининг бутун борлиғию эътиборини фақат Аллоҳга қаратмоғидир!”.
Шунингдек, илоҳиёт олимлари юқоридаги оятни батафсил мана бу тарзда изоҳлаган эканлар:
“Эй Пайғамбар соллаллоҳу алайҳи васаллам, сиз улуғ хулқ соҳибисиз! Бу даража фақат сизгагина насиб этган. Бошқа ҳеч бир яралмиш хулқнинг бу даражасига кўтарила олмайди. Шунинг учун ҳам Сиз бошқаларнинг қўлидан келиши маҳол бўлган даражада матонатли, сабр соҳибисиз”.
Олимлардан яна бири бу оятни қуйдагича изоҳлаган экан: "Аллоҳнинг хулқи билан хулқланганингиз учун одамларнинг туҳмати, таънаю маломати Сизга салбий таъсир этолмайди ва Сиз уларнинг ёмонликларидан етажак уқубатдан фориғсиз. Зероки, ўз кучингиз билан эмас, Аллоҳ айтганидек, Аллоҳнинг ёрдами билан тоқат қиласиз".
“Ахлоқус солиҳийн” (Яхшилар ахлоқи) китобидан
Йўлдош Эшбек, Даврон Нурмуҳаммад
таржимаси.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 