100 dan ziyod xonadonda yuzlab muammolar hal etildi
Sayyor yig‘ilish
Bugun diniy soha vakillariga aholining ishonchi ortib boryapti.
Nega? Chunki imom-xatiblar, imom noiblari, otinoyilar, "Haj 2025" ishtirokchilari mahalla faollari bilan birgalikda xonadonlarga kirib, aholi bilan samimiy suhbatlashib, odamlarni qiynayotgan muammolarning barham topishida yaqindan yordam berib kelmoqda.
Shu yil 6 aprel kuni Yunusobod tumanidagi «Umar ibn Xattob» jome masjidida sayyor yig‘ilish o‘tkazildi.
Toshkent shahar bosh imom-xatibi Abduqahhor domla Yunusov olib borgan yig‘ilishda O‘zbekiston musulmonlari idorasi mutasaddilari, O‘MI Toshkent shahar vakilligi mas’ul xodimlari, tumanlar bosh imom-xatiblari, ulamolar, otinoyilar hamda «Haj 2025»da hajga borgan hoji otalar va hoji onalar ishtirok etishdi.
Dastlab kun davomida amalga oshiriladigan ishlar ko‘lami, Ishchi guruh a’zolari hamda imom-xatiblar hamkorligining muhim jihatlari xususida yig‘ilganlarga tushunchalar berildi.
Shundan so‘ng poytaxtimiz tumanlari bosh imomlari, ulamolar, tumandagi masjidlar imom-xatiblari hojilar bilan birgalikda hududdagi mahallalarga chiqib, yuzdan ziyod xonadonga kirishdi.
Tadbir doirasida kam ta’minlangan, boquvchisini yo‘qotgan oilalar, jismoniy imkoniyati cheklangan yurtdoshlarimiz holidan xabar olinib, ularga zarur tavsiyalar berildi.
Adashib turli oqimlar ta’siriga tushib qolgan yoshlar bilan ham yakkama-yakka suhbatlar olib borildi.
Tadbirni o‘tkazishdan maqsad yurtimizda inson qadri, sha’ni ulug‘ ekanini, odamlarga yaxshilik ulashib yashash, yurtimizda hukm surayotgan tinchlikning qadriga yetish, o‘zaro hamjihatlikni ta’minlash, yoshlarimizni turli yot g‘oyalardan asrashdir.
Tadbir ishtirokchilari yana «Umar ibn Xattob» jome masjidiga qaytib, amalga oshirilgan ishlarni o‘rtaga tashlab, kelgusidagi rejalarni belgilab olishdi.
“Yashil makon” umummilliy loyihasi doirasida Yunusobod tumanidagi masjidlar hududlariga 40 tup mevali va manzarali daraxt ko‘chatlari hamda gullar, rayhonlar ekildi.
Xayrli duolar bilan sayyor yig‘ilish nihoyasiga yetdi.
Toshkent shahar vakilligi
Matbuot xizmati
Farg‘onada yana bir og‘ir bemorning holidan xabar olindi
«Vaqf» xayriya jamoat fondi Farg‘ona viloyati filialining fidoyi xodimlari va volontyorlari tomonidan saxovatpesha xalqimiz tomonidan qilingan xayr-ehsonlar ezgu maqsadlar yo‘lida sarflanmoqda.
Navbatdagi xayriya tadbiri doirasida Uchko‘prik tumanida yashovchi, jigar sirrozi kasalligiga chalingan og‘ir bemor Kazakov Ilyosjon Yoqubovichning holidan xabar olinib, unga jarrohlik amaliyoti xarajatlari uchun 132 million 500 ming so‘m miqdorida xayriya mablag‘i, oziq-ovqat mahsulotlari jamlanmasi, Mus'haf va boshqa ehsonlar topshirildi.
Bugun bemorlar va ehtiyojmand insonlarga ko‘rsatilayotgan bunday ko‘mak — xalqimizning mehr-oqibati, saxovati va hamjihatligining yorqin ifodasidir.
O‘zbekiston musulmonlari idorasi Matbuot xizmati
- «
- »