Набий соллаллоҳу алайҳи васаллам айтадилар: “Қуръон ўқийдиган мўмин кишининг мисоли утружжага ўхшайди. Унинг таъми ҳам ҳиди ҳам хушбўйдир”.
Утружжа тўрт нарса: пўстлоқ, гўшт (асосий қисм), органик кислота (нордонлик) ва уруғдан иборат. Уларнинг ҳар бирини мижози ўзига хос: пўсти иссиқ, қуруқ; гўшти иссиқ, ҳўл; органик кислотаси совуқ, қуруқ ва уруғи иссиқ, қуруқ.
Пўстини кийимга қўйилса, қуртларни йўқотади. Ҳиди ҳавони тозалайди ва вабони кетказади. Оғизни хушбўй қилади. Данаги чаён ва турли ҳашаротлар чаққанда даво бўлади.
"Исломда саломатлик" китобидан
Муҳаммад Зариф Муҳаммад Олим ўғли
Утружжа - хушбўй ҳидли, таъми ширин, апелсинга ўхшаш мева.
Бугун "16 ноябрь – Халқаро бағрикенглик куни" муносабати билан юртимизда миллатлараро дўстлик ва диний тотувликни мустаҳкамлашга муносиб ҳисса қўшаётган бир гуруҳ соҳа вакилларига «Диний бағрикенглик» кўкрак нишони топширилди.
Тантанали маросимда Дин ишлари бўйича қўмита раисининг биринчи ўринбосари Давронбек Махсудов фидойи юртдошларимизга ушбу юксак мукофотларни топшириб, уларнинг келгуси фаолиятига зафарлар тилади.
Қувонарлиси, эътирофга сазовор бўлганлар сафида Ўзбекистон мусулмонлари идораси ва унинг тизимида самарали меҳнат қилаётган Акбаршоҳ Расулов, Неъмат Мусаев, Ҳикматилла Тоштемиров, Ўткирбек Собиров, Дамин Жумақулов, Тоҳир Қурбонов, Дониёр Икрамов, Мунира Абубакирова, ҳамда Турсуной Деҳқонова каби заҳматкаш инсонлар бор.
Тадбирда сўзга чиққан нотиқлар мазкур мукофотнинг таъсис этилиши Давлатимиз раҳбари томонидан диний-маърифий соҳага қаратилаётган юксак эътибор, фуқароларнинг виждон эркинлигини таъминлаш ва маънавий муҳит барқарорлигини сақлаш йўлидаги эзгу ислоҳотларнинг яққол намунаси эканини алоҳида таъкидладилар.
Ўзбекистон мусулмонлари идораси Матбуот хизмати