Сайт тест ҳолатида ишламоқда!
16 Ноябр, 2026   |   6 Жумадул сони, 1448

Тошкент шаҳри
Бомдод
05:50
Қуёш
07:12
Пешин
12:13
Аср
15:22
Шом
17:06
Хуфтон
18:23
Bismillah
16 Ноябр, 2026, 6 Жумадул сони, 1448
Янгиликлар

Диний соҳа фахрийларига эҳтиром кўрсатилди

07.05.2026   20272   1 min.
Диний соҳа фахрийларига эҳтиром кўрсатилди

Кеча, 6 май куни юртимизда узоқ йиллар хизмат қилиб, динимиз ривожи, Ватанимиз тараққиёти ва халқимиз фаровонлигига беқиёс ҳисса қўшган меҳнат фахрийларини йўқлаш ва эъзозлаш тадбирлари бўлиб ўтди. 

Ушбу хайрли тадбир доирасида тизимда кўп йиллар фаолият юритган фахрий уламолар ва хизматчи ходимлар ҳолидан хабар олиниб, уларга Диний идоранинг махсус миннатдорлик табрикномалари ва эсдалик ҳадялари топширилди. 

Мазкур эътибор ва эҳтиромдан беҳад шод бўлган кексалар ўзлари меҳнат қилган пайтдаги хотиралар ҳамда бугунги имкониятлар даври ҳақида тўлқинланиб сўзлаш баробарида юртимиз тинчлиги ва халқимиз омонлигини сўраб хайрли дуолар қилдилар.

Таъкидлаш жоизки, Муфтий Шайх Нуриддин Холиқназар ҳазратлари ташаббуси билан 2022 йили Ўзбекистон мусулмонлари идорасида Фахрийлар кенгаши ташкил этилган эди. Мазкур хайрли ишдан кўзланган асосий мақсад фахрийларимизнинг бой тажрибасидан кенг фойдаланиш билан бир қаторда уларни моддий ва маънавий рағбатлантириш, сиҳатгоҳлар ҳамда муборак умра сафарига имтиёзли юбориш каби ҳар жиҳатдан қўллаб-қувватлаш саналади. Бугунги эзгу тадбир ҳам ана шу тизимли ишларнинг мантиқий давоми бўлди.

Дарҳақиқат, динимизда Ислом йўлида соч-соқоли оқарган кишиларнинг кўплаб фазилатлари баён этилган. Жумладан, буюк ватандошимиз Имом Термизий ривоят қилган муборак ҳадиси шарифда: “Бир киши: “Эй, Аллоҳнинг Расули! Инсонларнинг қайсиси афзал” – деди. Расулуллоҳ соллаллоҳу алайҳи васаллам: “Умри узоқ бўлиб, амали чиройли бўлгани”, дея марҳамат қилганлар. Шу маънода, диний соҳада фидокорона хизмат қилган фахрийларни эъзозлаш, уларнинг маслаҳат ва дуоларини олиш ҳам инсонийлик, ҳам диний қадриятларимизнинг гўзал намунаси ва савоби улуғ амаллардандир.

 

Ўзбекистон мусулмонлари идораси Матбуот хизмати

Диний соҳа фахрийларига эҳтиром кўрсатилди Диний соҳа фахрийларига эҳтиром кўрсатилди Диний соҳа фахрийларига эҳтиром кўрсатилди Диний соҳа фахрийларига эҳтиром кўрсатилди
Ўзбекистон янгиликлари
Бошқа мақолалар
Янгиликлар

Нуфузли делегация билан учрашув бўлиб ўтди

16.11.2026   678   3 min.
Нуфузли делегация билан учрашув бўлиб ўтди

Ўзбекистон сўнгги йилларда бутун дунё афкор оммасининг диққат марказига айланди, десак, айни ҳақиқатни айтган бўламиз. Юртимиз ҳар куни, ҳар ҳафта халқаро анжуманларга мезбонлик қилаётганини ҳаммамиз оммавий ахборот воситалари, ижтимоий тармоқлар орқали ўқиб, кузатиб боряпмиз.

Шарқ гавҳари дея таърифланадиган Самарқанд шу йил 18-19 ноябрь кунлари XIV Глобал Вақф анжуманига мезбонлиқ қилади. “Вақф ва исломий ижтимоий молияга янгича ёндашув: бошқарув, стандартлар, инновациялар ва барқарор ривожланиш йўллари” мавзусида ўтказиладиган тадбирда 30 мамлакатдан 150 нафарга яқин давлат ва халқаро ташкилотлар вакиллари, уламолар, соҳа экспертлари иштирок этиши кутилаётгани ҳам юқоридаги фикримизни тасдиқлайди.

Бугун, 16 ноябрь куни Ўзбекистон мусулмонлари идораси раиси ўринбосари, “Вақф” хайрия жамоат фонди бошқаруви раҳбари Зайниддин домла Эшонқулов Малайзиянинг Халқаро Вақф Ҳаракатлари Кенгаши (International Waqf Action Council – iWAQF) президенти Датук Др. Моҳд Ғаззолий ҳамда Малайзия халқаро ислом университети профессори, Др. Нур Осиё бинти Муҳаммад билан учрашув ўтказди.

Зайниддин домла дастлаб меҳмонларга Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг самимий саломлари ва эзгу тилакларини етказди.

Сўнгра Диний идора тарихи, сўнгги йилларда муҳтарам Президентимиз Шавкат Мирзиёев ташаббуслари билан Янги Ўзбекистонда диний-маърифий соҳада амалга оширилаётган улкан ислоҳотлар, шу жумладан, “Вақф” хайрия жамоат фонди ташкил этилгани, бугунги кунда фонднинг фаолияти тобора такомиллашиб, ривожланиб бораётгани ҳақида меҳмонларга атрофлича маълумот берди.

Мулоқот давомида халқаро вақф тизимида Ўзбекистоннинг иштирокини кенгайтириш, вақф ва хайрия фаолиятини ривожлантириш, таълим ҳамда илмий йўналишларда ўзаро тажриба алмашиш масалалари муҳокама қилинди.

Бугунги кунда World Zakat and Waqf Forum халқаро ҳамжамияти кўплаб мамлакатлар вакилларини бирлаштирган. Ўзбекистоннинг ушбу ҳамжамиятга аъзо бўлиши мамлакатимиз вақф тизимининг халқаро алоқаларини кенгайтиришда муҳим аҳамият касб этади.

Учрашувда амалий ҳамкорлик масалалари ҳам муҳокама қилиниб, хусусан, Малайзиянинг Имом Бухорий халқаро университети магистратура босқичини тамомлаётган ўзбекистонлик талабага Малайзиядаги вақф ташкилотларидан бирида амалиёт ўташ имкониятини яратиш бўйича келишувга эришилди. Бу орқали талабанинг вақф маблағларини бошқариш, хайрия лойиҳаларини ташкил этиш ва соҳадаги илғор тажрибаларни ўрганиши кўзда тутилган.

Шунингдек, Ўзбекистон ва Малайзия ўртасида вақф ва хайрия соҳасида тажриба алмашиш, қўшма лойиҳаларни амалга ошириш ҳамда таълим ва илмий тадқиқотлар йўналишларидаги ҳамкорликни ривожлантириш истиқболлари юзасидан ҳам фикр алмашилди.

Бундан ташқари, диний-маърифий таълим, илмий тадқиқотлар, мутахассислар тайёрлаш ва уларнинг малакасини ошириш йўналишларида ҳамкорликни ривожлантириш истиқболлари муҳокама қилинди.

Мазкур учрашув Ўзбекистон ва Малайзия ўртасида вақф соҳасидаги алоқаларни янада мустаҳкамлаш, халқаро ҳамкорлик кўламини янада кенгайтириш ҳамда илғор тажрибаларни миллий амалиётга татбиқ этишда муҳим қадам бўлиб хизмат қилади, иншоаллоҳ.

“Вақф” хайрия жамоат фонди Матбуот хизмати

 

Ўзбекистон янгиликлари