Сайт тест ҳолатида ишламоқда!
16 Ноябр, 2026   |   6 Жумадул сони, 1448

Тошкент шаҳри
Бомдод
05:50
Қуёш
07:12
Пешин
12:13
Аср
15:22
Шом
17:06
Хуфтон
18:23
Bismillah
16 Ноябр, 2026, 6 Жумадул сони, 1448

Аёллар қандай сажда қилади?

15.05.2026   22369   1 min.
Аёллар қандай сажда қилади?

Савол: Аёллар сажда қилганда билак ва тирсакни қай ҳолда тутадилар?
 

Жавоб: Бисмиллаҳир Роҳманир Роҳийм. Аёллар саждани ҳам қимтинган, ўзларини йиққан ҳолда бажарадилар. Бунда қўлнинг билаклари ерга тўшалган, тирсак ҳам ерга теккизилган ҳолда бўлади.

Шунингдек, қўлнинг билакдан юқори қисмини ўзларидан узоқ тутмайдилар, яъни қўлтиқ орасини очмайдилар. Сонлар қоринга ёпиштирилган ҳолда тутилади.

Бу ҳақда Ибн Обидин раҳимаҳуллоҳ бундай дейдилар:

وَتَنْضَمُّ فِي رُكُوعِهَا وَسُجُودِهَا، وَتَفْتَرِشُ ذِرَاعَيْهَا

“Аёл киши руку ва саждада қимтинган ҳолда бўлади, саждада билакларини ерга тўшайди” (“Раддул муҳтор” китоби). Валлоҳу аълам.

 

Ўзбекистон мусулмонлари идораси
Фатво маркази.

Бошқа мақолалар
Янгиликлар

Уммон Султонлигида нуфузли халқаро форум бошланди

16.11.2026   4188   2 min.
Уммон Султонлигида нуфузли халқаро форум бошланди

Шу кунларда Уммон Султонлигининг Масқат шаҳридаги "Hilton Muscat Al Bandar" мажмуасида "Масқат ҳаракатлар режаси глобал форуми" (Muscat Plan Global Forum) бўлиб ўтмоқда. Жорий йилнинг 15-16 ноябрь кунларига мўлжалланган ушбу нуфузли анжуманда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ҳам иштирок этмоқда.

Мазкур халқаро форум Бирлашган Миллатлар Ташкилотининг Геноциднинг олдини олиш ва ҳимоя қилиш масъулияти бўйича бошқармаси (UNOSAPG), Уммон Султонлиги Вақф ва диний ишлар ҳамда Ташқи ишлар вазирликлари, шунингдек, "Дин ва анъанавий тинчликпарварлар тармоғи" (The Network for Religious and Traditional Peacemakers) ҳамкорлигида ташкил этилган.

Тадбирнинг асосий мақсади камситиш ва зўравонликнинг олдини олиш, шунингдек, ўзаро мулоқот, бағрикенглик ва тинч-тотувликни кенг тарғиб қилишда амалий ёндашувларни ишлаб чиқишдан иборат.

Эътиборлиси, форумнинг асосий тадбирлари Бирлашган Миллатлар Ташкилотининг Халқаро бағрикенглик кунига (16 ноябрь) тўғри келган бўлиб, бу ўзаро ҳурмат ва тинч-тотув яшаш қадриятларини мустаҳкамлаш учун муҳим платформа вазифасини ўтайди.

Халқаро тадбирда дунёнинг турли давлатларидан келган таниқли уламолар, диний ва анъанавий етакчилар, ҳукумат вакиллари, БМТ ва бошқа йирик халқаро ташкилотлар мутасаддилари жам бўлган. Форум дастури доирасида муҳим сессиялар бўлиб ўтмоқда. Жумладан, тинчлик ва хавфсизликни таъминлашда халқаро ҳамкорлик механизмлари, нафратли нутқларга қарши курашиш ҳамда бағрикенгликни илгари суришда диний етакчилар ва оммавий ахборот воситаларининг ўрни каби мавзуларда юқори даражадаги муҳокамалар олиб борилмоқда.

Ўзбекистон вакилларининг бундай нуфузли халқаро анжуманлардаги иштироки юртимизда олиб борилаётган диний-маърифий соҳадаги ислоҳотлар, динлараро бағрикенглик ва тинчликсеварлик тамойилларини жаҳон ҳамжамиятига етказишда муҳим аҳамият касб этади. 

Ўзбекистон мусулмонлари идораси

Матбуот хизмати

Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди
Ўзбекистон янгиликлари