Aqlli ayollardan qolgan go‘zal nasihatlar juda ko‘p. Ummu Umoma binti Horisning qizini uzatadigan kuni unga aytgan nasihati shular jumlasidandir. U aytadi: “Qizalog‘im, sen o‘zing o‘sgan muhitni tark etmoqdasan. Agar ayol kishi eridan behojat bo‘lganida ota-onasining boyligi va ularning unga muhtojligi sabab insonlarning eng boyi bo‘lardi. Ammo ayollar erkaklar uchun, erkaklar esa ayollar uchun yaratilgan. Senga quyidagilarni nasihat qilaman:

Birinchisi, eringa qanoat bilan doim itoat et, doim uning aytganlarini bajar.

Ikkinchisi, uning ko‘zi tushishi va burni sezishi mumkin bo‘lgan joylarga e’tibor qaratgin. Uning ko‘zi xunuk narsalarga tushmasin, burni esa doimo muattar hidlarni tuysin.

Uchinchisi, uning taomi va uyqusiga e’tiborli bo‘l. Chunki ochlik insonni yondiradi, uyqusizlik esa battar g‘azablantiradi.

To‘rtinchisi, uning molini himoya qil hamda qarindoshlari va oilasining rioyasini qilib muomala bo‘l.

Beshinchisi, uning buyruqlariga doimo bo‘ysun, sirlarini oshkor qilma. Chunki agar sen uning buyruqlarini bajarmasang nafratini uyg‘otasan, agar sirlarini oshkor qilsang ishonchidan chiqasan. Yana u mahzun bo‘lgan vaqtda uning huzurida xursand bo‘lishdan, agar xursand bo‘lsa qovog‘ingni uyib olishdan doimo saqlan!”.

Shu’la: Saodatingiz boshqaga bog‘liq emas, u o‘z qo‘lingizda.

Doktor Oiz al-Qarniyning
"Dunyodagi eng baxtli ayol" kitobidan