Ғолиблар тақдирланди
Спорт – соғлом турмуш кафолати. Спорт билан шуғулланган кишининг тани сиҳат, ўзи эса хотиржам бўлади.
Ўзбекистон Республикаси мустақиллигининг 35 йиллиги арафасида Тошкент вилояти масжидларида фаолият юритаётган имом-хатиблар ва имом ноиблари ўртасида стол тенниси мусобақаси бўлиб ўтди.
1-ўрин: Бўстонлиқ тумани «Толи бува» жоме масжиди имом ноиби Абуфайз домла Ҳусанбоевга;
2-ўрин: Бекобод тумани «Улуғбек» масжиди имом-хатиби Абдуллоҳ домла Деҳқонбоевга;
3-ўрин: Оҳангарон тумани «Ислом нури» жоме масжиди имом ноиби Абдуллоҳ домла Эшбоевга насиб этди.
Ғолибларга эсдалик совғалари топширилди.
Фурсатдан фойдаланиб, барча ғолибларни қутлаймиз.
Тошкент вилояти вакиллиги
Матбуот хизмати
Тошкент ислом институти ўқитувчилари Ал-Азҳар университетида малака оширдилар
Ал-Азҳар университети ҳузуридаги Хорижий талабалар таълимини ривожлантириш марказида Имом Бухорий номидаги Тошкент ислом институти профессор-ўқитувчилари учун ташкил этилган араб тили бўйича малака ошириш дастури якунланди, деб хабар бермоқда “Дунё” АА мухбири.
Икки ҳафта давом этган ўқув курси араб тили ўқитувчиларининг касбий салоҳиятини ошириш, замонавий педагогик ёндашувлар ва тил ўқитишнинг илғор методикаларини ўрганишга қаратилди.
Дастур якунида ўтказилган тантанали маросимда марказ раҳбари, профессор-доктор Наҳла ас-Саидий иштирокчиларга сертификатларни топширди. У мазкур ташаббус Ал-Азҳарнинг араб тилини халқаро миқёсда оммалаштиришга қаратилган лойиҳалари доирасида амалга оширилганини таъкидлади.
Тадбир давомида таълим соҳасидаги ҳамкорликни янада кенгайтириш масалалари муҳокама қилинди. Наҳла ас-Саидий Тошкент ислом институти билан академик алоқаларни мустаҳкамлаш ва қўшма дастурларни амалга ошириш мақсадида ҳамкорлик меморандумини имзолаш ташаббусини илгари сурди.
Ўз навбатида, Тошкент ислом институти вакиллари дастур юқори савияда ташкил этилгани учун Ал-Азҳар университети раҳбариятига миннатдорлик билдирдилар.
Ўзбекистон мусулмонлари идораси
Матбуот хизмати
- «
- »