O`zbekiston musulmonlari idorasi

Islom san'atining birinchi Biyennalesida nimalar taqdim etilgan

20.02.2023 2509 3 min.

Saudiya Arabistonida birinchi marta islom san'ati asarlari Islom san'ati Biyennalesida namoyish etilmoqda. Ko'rgazma Jidda shahridagi Qirol Abdul Aziz xalqaro aeroportida Hajning G'arbiy terminalida joylashgan bo'lib, u butun dunyodagi islom merosini jahonga taqdim etdi. Unda zamonaviy va o'tmishdagi rassomlarning asarlari, shu jumladan, 60 ta noyob san'at buyumlari va 280 ta tarixiy asarlar namoyish etilmoqda.
Ko'rgazmada namoyish etilgan san'at asarlari asosan kundalik buyumlar Haj, Payg'ambarimiz Muhammad sallolu alayhi vassalamning Makkadan Madinaga ko'chishlariga oid ashyolar, Makka va Madina shaharlariga bag'ishlangan asarlardir, deb xabar bermoqda islam.kz.
Ko'rgazmaga tashrif buyuruvchilar 12000 kvadrat metrdan ortiq maydonni egallagan beshta galereya bo'ylab hayajonli sayohatga ega bo'ladi.
Ko'rgazma kuratori Saad Alrashidning so'zlariga ko'ra, Saudiya Arabistoni Sharq va G'arb o'rtasidagi tsivilizatsiyalar kesishgan joy bo'lib, bu erda Islom biyennalesining o'tkazilishi dunyoga barcha musulmonlar va boshqa madaniyatlar o'rtasidagi bog'liqlikni taqdim etadi.
Biyennalenida Saudiya Arabistoni va ko'plab davlatlar qatori xalqaro institutlar, shuningdek, Afinadagi Benaki muzeyi, Oksford universitetidagi Fan tarixi muzeyi, Parijdagi Luvr va Londondagi Viktoriya va Al'berta muzeyi ishtirok etmoqda.