Карачида "Ислом боғи" очилди
Покистон президенти Ариф Алви Карачидаги Жинна шаҳар "Ислом боғи"ни очди. Унинг ўзига хос хусусиятлардан бири - у ерда Қуръонда зикр этилган 22 та ўсимликлак экилган.
Улар орасида анжир, анор, зайтун, маккажўхори, сербар баргли бир хил пиёз, саримсоқ пиёз, пиёз, ясмиқ, буғдой, занжабил, қовоқ, тарвуз, тамаринд, кедр, узум, банан, бодринг ва райҳон мавжуд. Бундан ташқари, Покистоннинг турли ҳудудларига қарашли боғда 42 хил мевали ўсимликларни кўриш мумкин. Бу гуава, чику, шарифа, хурмо, манго, жамун, тут, лазура, папайя, анор, фальса ва бошқаларни ўз ичига олади.
Ижтимоий хизматлар жамоат бирлашмаси президенти Ш.Омери шаҳар истироҳат боғига 5000 га яқин дарахт экилганини маълум қилди.
Islam.ru хабарига кўра, Покистон Президенти манфаатдор томонларни, жумладан, давлат ва нодавлат ташкилотларни атроф-муҳит ифлосланиши муаммосига қарши самарали курашиш учун Карачида ўрмон қопламини ошириш учун биргаликда ишлашга чақирди.
Ўзбекистон мусулмонлари идораси Матбуот хизмати
Хоразмда 35 нафар боланинг суннат тўйи ўтказилди
"Вақф" хайрия жамоат фондининг Хоразм вилояти филиали томонидан кам таъминланган ҳамда боқувчисини йўқотган 35 нафар болажонларнинг суннат тўйи байрамона кўтаринки руҳда ташкил этилди.
Тадбирда "Вақф" хайрия жамоат фонди раҳбари ўринбосари Ойбек домла Хушвақтов, маҳаллий мутасаддилар, нуронийлар, ҳомийлар ва кенг жамоатчилик вакиллари иштирок этдилар. Сўзга чиққанлар юртимизда инсонпарварлик, меҳр-оқибат ва хайр-саховат қадриятларини мустаҳкамлаш, айниқса, етим ва эҳтиёжманд болаларга қувонч улашиш энг улуғ ва савобли амаллардан бири эканини таъкидлади.
Байрам дастури болалар учун тайёрланган махсус шоудастурлар ва қизиқарли ўйинлар билан бойитилди. Тадбир якунида барча болажонларга қимматбаҳо совғалар топширилди.
Шунингдек, аҳолининг ижтимоий ҳимояга муҳтож қатламини қўллаб-қувватлашдаги фидокорона хизматлари учун "Вақф" фонди Хоразм вилояти филиали раҳбари Алижон домла Матяқубовга ташаккурнома топширилди.
Файзли ўтган тадбир якунида ушбу саховат тадбирига ҳисса қўшган барча ҳомийлар ва саховатпеша инсонлар ҳаққига дуои хайрлар қилинди.
Ўзбекистон мусулмонлари идораси
Матбуот хизмати
