10 Март, 2026, 21 Рамазон, 1447
10 Март, 2026, 21 Рамазон, 1447
Миср Президенти Пайғамбаримиз Муҳаммад соллаллоҳу алайҳи васаллам туғилган кунлари билан мусулмонларни табриклади.
Миср Президенти Абдул Фаттоҳ Ас-Сисий мисрликлар, араблар ва мусулмонларни Twitter саҳифасида Пайғамбаримиз Муҳаммад соллаллоҳу алайҳи васалламнинг туғилган кунлари билан табриклади, дея хабар бермоқда Ahram online нашри. Абдул Фаттоҳ Ас-Сисий ўз табригида бундай деб ёзган эди: "Миср халқини, араб ва Ислом халқларини у зотнинг туғилишлари инсоният тарихида бурилиш нуқтаси бўлган ҳақиқий Пайғамбаримизнинг таваллуд топган йиллиги билан чин қалбимдан табриклайман. Аллоҳнинг саломи ва раҳмати Муҳаммад соллаллоҳу алайҳи васалламга бўлсин. Бу муборак айёмда Мисрни, араб ва Ислом халқларини барча ёмонликлардан ҳимоя қилишини Аллоҳдан дуо қилиб қоламан".
Islam.ru хабарига кўра, аввалроқ Ас-Сисий ва Мисрнинг бошқа амалдорлари Мавлиди набий Расулуллоҳ соллоллоҳу алайҳи васалламнинг таваллуд топган кунларини нишонлашда иштирок этган эдилар.
Ўзбекистон мусулмонлари идораси Матбуот хизмати
Бисмиллаҳир Роҳманир Роҳийм
Варшавада муборак Рамазон ойига бағишланган ватандошлар учрашуви бўлиб ўтди
Ўзбекистон элчихонаси Ўзбекистон мусулмонлари идораси вакиллари билан биргаликда Варшавада мамлакатимиз ватандошлари учун маънавий-маърифий учрашув ташкил этди, деб хабар беради “Дунё” ахборот агентлиги.
Мазкур тадбирда Польшада истиқомат қилувчи ва таҳсил олаётган ватандошлар иштирок этди.
Иштирокчилар муборак Рамазон ойининг инсон ҳаётидаги аҳамияти, шунингдек, миннатдорчилик, сабр-тоқат, бағрикенглик ва ўзаро ҳурмат каби фазилатларнинг аҳамияти ҳақида фикр алмашдилар.
Бундан ташқари, ватандошлар ушбу муборак кунларда ўзларига кўрсатилган эътибор ва ғамхўрлик учун самимий миннатдорчилик билдиришди ва энг яхши эзгу тилакларини муҳтарам Юртбошимиз ва барча Ўзбекистон халқига етказишни сўрашди.
Ушбу учрашувнинг ватандошлар ўртасида бирдамликни мустаҳкамлашга ва миллий ва маънавий қадриятларни асрашга ҳиссасини қўшишлиги таъкидланди.
И.Аҳмедов тайёрлади.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 