25 Апрел, 2026, 7 Зулқаъда, 1447
25 Апрел, 2026, 7 Зулқаъда, 1447
2021 йил 19 октябрь куни Ўзбекистон мусулмонлари идораси Уламолар Кенгашининг кенгайтирилган йиғилиши бўлиб ўтди. Унда ташкилий масала кўрилди, Тошкент шаҳри бош имом-хатиби сифатида ишлаб келаётган Нуриддин домла Холиқназаров Ўзбекистон мусулмонлари идораси раиси, муфтий лавозимига сайландилар.
Нуриддин домла Холиқназаров 1968 йилда Андижон вилояти Асака шаҳрида туғилганлар. 1992 йилда Бухоро вилоятидаги Мир Араб мадрасаси, 1998 йилда Имом Бухорий номли Тошкент ислом институтини, 2007 йилда эса Фарғона давлат университетини тамомлаганлар.
Иш фаолиятлари давомида Асака шаҳридаги “Аҳмадали Махдум” масжиди имом-хатиби, Тошкент шаҳри “Оқ тепа” жоме масжиди имом-хатиби, пойтахтдаги “Кўкалдош”, Андижон вилоятидаги “Саййид Муҳйиддин махдум” мадрасалари ўқитувчиси, Андижон вилояти бош имом-хатиби ва 2019 йилдан шу кунга қадар Тошкент шаҳар бош имом-хатиби вазифаларида меҳнат қилаётган эдилар.
Аллоҳ таолодан Нуриддин домла Холиқназаровга ушбу шарафли ва масъулиятли вазифада улкан муваффақиятлар тилаймиз.
Ўзбекистон мусулмонлари идораси Матбуот хизмати
Шу йилнинг 20–25 апрель кунлари Татаристон пойтахти Қозон шаҳрида нуфузли Халқаро Қуръон мусобақаси бўлиб ўтмоқда. Ушбу нуфузли анжуманда юртимиз шарафини Ўзбекистон халқаро ислом академияси битирувчиси, хушовоз қори Низомиддин Исмоилов ҳимоя қилади.
Бугун, 23 апрель куни Низомиддин қори маслаҳат ва кўрсатмалар олиш мақсадида сафари олдидан Ўзбекистон мусулмонлари идорасининг Қуръони карим ва тажвид бўлимида бўлди.
Тажрибали устоз Шайх Али Файзуллоҳ Махдум ёш қорига тажвид нозикликлари бўйича қимматли тавсияларини бериб, унинг ҳақига хайрли дуолар қилди.
Аллоҳ таоло юртимиз байроғини баланд кўтаришга отланган қоримизга зафарлар ёр бўлишини ва Қуръон нури ила юзини ёруғ қилишини насиб этсин!
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 