Шотландиядаги турли динларнинг раҳбарлари сиёсатчиларни қашшоқликка қарши кураш учун чора кўришга ундаш учун бирлашди. Шотландия Мусулмонлар кенгаши, католик черкови, сикх қавми ва бошқа динларнинг вакиллари имзолаган қўшма баёнот қашшоқликка қарши ҳафталикнинг бошида эълон қилинди. "Шотландияда ҳозир жуда кўп одамлар, жумладан, ҳар тўрт боладан бири қашшоқликнинг доимий босими остида яшамоқда", - дейилади баёнотда.
"Жамоаларни қўллаб-қувватлаш, қашшоқлик исканжасида яшовчи ва уларнинг овозларига кўпинча эътибор берилмайдиган одамларни ҳимоя қилиш ва глобал исишнинг энг ёмон оқибатларини юмшатиш учун ҳаракат қилиш керак".
Қашшоқликка қарши курашиш учун тўғридан-тўғри ҳаракат қилишга чақирган диний раҳбарлар, шунингдек, глобал исиш ва иқлим ўзгаришига мурожаат қилиш ҳам муҳтожларга ёрдам беришнинг асосий қисми ҳисобланади ва иккала инқироз ҳам "бир-бирига боғлиқ". "Биз, шунингдек, бу инқирозлар ўзаро боғлиқ эканлиги, айниқса, қашшоқлик исканжасида қолган одамлар иқлим ўзгаришининг энг катта таъсирини бошларидан ўтказаётганлигини тан оламиз", - дейилади баёнотида.
"Биз дуч келаётган муаммолар қаршисида Шотландиянинг диний гуруҳлари Шотландиянинг қашшоқлик чангалидан озод бўлишига ва иқлим инқирозига зудлик билан жавоб беришига умид боғламоқда".
"Бу шошилинчлилик раҳм-шафқат ҳисси билан бирга бўлиши керак".
Баёнот Шотландия мусулмон Кенгашидан Умар Афзал; Шотландия черкови, Бош Ассамблея модератори Лорд Жим Уоллес, Шотландия католик епископлар конференцияси номидан Адолат ва тинчлик бўйича Шотландия комиссияси Президенти, епископ Уильям Нолан ва Шотландия дўстлари диний жамияти (квакерлар) Умумий йиғилиши котиби Элизабет Аллен томонидан имзоланган.
Islam.ru хабарига кўра, 4 октябрдан 10 октябргача бўлиб ўтган қашшоқликка қарши ҳафталик "қашшоқлик – бу биз ҳал қилишимиз мумкин бўлган муаммо эканлигини таъкидлашга чақирилган".
Ўзбекистон мусулмонлари идораси матбуот хизмати
Ўрта Осиё ва Қозоғистон мусулмонлари диний бошқармаси раиси, беш республика муфтийси
Яшаган йиллари: 1908-1982
Муфтийлик йиллари: 1957 – 1982
Шайх Зиёвуддинхон ибн Эшон Бобохон 1908 йили 10 январда Тошкент шаҳрида туғилган.
1943 йилда Диний назорат ташкил қилишда отаси Шайх Эшон Бобохон ибн Абдулмажидхон билан жонбозлик кўрсатган. 1943-1948 йилларда Диний назоратнинг масъул котиби, 1948-1957 йилларда раис ўринбосари вазифасида хизмат қилган. 1957 йили муфтий Эшон Бобохон ибн Абдулмажидхоннинг вафотидан сўнг шу идорага раис ва муфтий этиб сайланган.
Шайх Зиёвуддинхон ибн Эшон Бобохоннинг хизматлари:
– Жаҳондаги 80 га яқин ислом ва араб давлатларига сафар қилиб Ислом дунёси билан Совет давлати ва иттифоқда яшаётган мусулмон халқларни яқинлаштирди, сиёсий-маданий алоқаларни ўрнатишга воситачи бўлди;
– 10 та давлат раҳбарининг шахсий меҳмони бўлди;
– Тошкент, Москва, Душанбе, Самарқанд, Боку шаҳарларида ислом олами ва глобал миқёсдаги долзарб мавзуларга бағишланган халқаро анжуманларни ташкил этиб, маърузалар билан иштирок этди;
– “Совет Шарқи мусулмонлари” журнали араб, инглиз, форс, француз, ўзбек тилларида нашр этилди;
– Иттифоқ Министрлар Советининг Диний ишлар бўйича Кенгаш таркибидаги Мусулмон ташкилотларининг халқаро алоқалар бўлими раҳбари сифатида 1962 йилдан 1982 йилгача фаолият юритди;
–1971 йилда Имом Бухорий номидаги Тошкент ислом институти ташкил қилди;
– СССР, Иордания, Марокаш, Ливан мамлакатларининг орден ва мукофотларига сазовор бўлган.
Халқаро ташкилотларга аъзолик:
– Жаҳон Масжидлар Кенгаши аъзоси;
– Жаҳон Тинчлик Кенгаши аъзоси;
– Иттифоқ Тинчлик Қўмитаси ҳайъат аъзоси;
– Осиё ва Африка бирдамлик ташкилоти аъзоси;
– Ислом Конференцияси ташкилоти аъзоси;
– Хорижий давлатлар билан дўстона ва маданий алоқалар ўрнатиш Совет қўмитаси ҳайъат аъзоси;
– Ўзбекистон Тинчлик қўмитаси ҳайъат аъзоси;
– Ўзбекистон Хорижий давлатлар билан дўстона ва маданий алоқалар ўрнатиш жамиятининг ҳайъат аъзоси.
Шайх Зиёвуддинхон ибн Эшон Бобохон 1982 йили 23 декабрда Тошкентда вафот этди.
2023 йил 27 июнда Ўзбекистон Республикаси Президенти Шавкат Мирзиёев Фармони билан Шайх Зиёвуддинхон ибн Эшон Бобохон ҳазратлари “Олий Даражали Имом Бухорий” ордени билан мукофотланди.