#мустақиллик_хайрия_тадбири

Мустақиллигимизнинг 34 йиллиги муносабати билан Ургут туманида кенг қамровли хайрли тадбир бўлиб ўтди. Ҳомийлар кўмагида 194 нафар болажонга янги ўқув йили арафасида мактаб формалари топширилди.

Маросимда Ўзбекистон мусулмонлари идораси раиси ўринбосари Зайниддин домла Эшонқулов, Самарқанд вилояти бош имом-хатиби Аҳмадхон домла Алимов, Ургут туман бош имом-хатиби Абдуғани домла Ҳасанов ҳамда туман ҳокимлиги вакиллари иштирок этди.
 

Шунингдек, ҳомийлар ва туман ҳокимлиги ҳамкорлигида 20 нафар болажоннинг суннат тўйи ҳам ташкил этилди.

Тадбир иштирокчилари бу эзгу ишлар юртимиздаги саховат ва ғамхўрлик анъаналарининг ёрқин намунаси эканини таъкидлади.

“Ватан учун, миллат учун, халқ учун” шиори остида ўтказилган тадбир болажонлар қалбига қувонч, юртдошларимиз қалбига ифтихор бағишлади.

Ўзбекистон мусулмонлари идораси

Самарқанд вилояти вакиллиги

Матбуот хизмати