13 Сентябр, 2026, 2 Рабиъус сони, 1448
13 Сентябр, 2026, 2 Рабиъус сони, 1448
Тошкент шаҳрида 2021-2023 йилларда маҳаллий ва хорижий ташаббускорлар томонидан жами қиймати 9,442 трлн. сўм миқдоридаги 90 та лойиҳалар амалга оширилиши режалаштирилган. Бу ҳақда Туризмни ривожлантириш давлат қўмитаси Ахборот хизмати маълум қилди.
Мазкур лойиҳаларда тўғридан-тўғри хорижий инвестиция 739,5 млн. долларни ташкил этиб, шундан 3 596 та хона ва 7 050 та ўринга мўлжалланган 66 та меҳмонхона, 12 та савдо, кўнгилочар бизнес маркази, 9 та маданият ва истироҳат боғи ва 3 та ҳунармандчилик марказлари барпо этилиши назарда тутилган.
Ҳозирда лойиҳалар бўйича манзилли рўйхат шакллантирилиб, мониторинг ишлари олиб борилмоқда. 2021 йилда туризм соҳасига доир инвестицион лойиҳаларни амалга ошириш натижасида 6 102 та янги иш ўрни яратилади.
Ўзбекистон мусулмонлари идораси матбуот хизмати
Ўзбекистон мусулмонлари идораси тасарруфидаги “Шамсуддинхон Бобохонов” нашриёт-матбаа ижодий уйининг “Ҳидоят” ва “Мўминалар” журналлари ҳамда “Ислом нури” газетасига 2027 йил учун обуна мавсумига старт берилди.
Шу муносабат билан ташкил этилган маърифий тадбирда соҳа мутасаддилари, имом-хатиблар ва отинойилар иштирок этди. Унда сўз олганлар жамиятда соф маърифатни ёйиш, аҳоли, айниқса, ёшларнинг маънавий-маърифий савиясини юксалтиришда диний-маърифий нашрларнинг ўрни беқиёс эканини таъкидладилар.
Тадбир давомида якунланаётган мавсумда обуна ишларини намунали ташкил этган фаол диний соҳа ходимларига миннатдорлик билдирилиб, янги йилда ҳам бу хайрли ишларни юқори савияда давом эттириш юзасидан фикр-мулоҳазалар алмашилди.
Барча юртдошларимизни “Ҳидоят”, “Мўминалар” журналлари ҳамда “Ислом нури” газетасига 2027 йил учун обуна бўлишга, хонадонларга зиё улашишдек савобли ташаббусда фаол иштирок этишга чорлаймиз.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа