25 Май, 2026, 7 Зулҳижжа, 1447
25 Май, 2026, 7 Зулҳижжа, 1447
Ҳақиқатни доимо такрорлаб туриш зарур, чунки бизга адашишни ҳам доимо эслатиб туришади.
Гёте
***
Одамлар сенга икки ҳолатдагина бўйсинади: биринчиси ёқтириб қолса, иккинчиси ишонса. Аммо, ёқтирмаса ишонмайди.
Балбзак
***
Ўйларинг сўзларингга, сўзларинг феълингга, феълинг тақдирингга тасир этади. Гўзал ўйла, гўзал яша.
Жалолиддин Румий
***
Ҳусни хулқ (чиройли хулқ) дан кўра яхшилик қўшадиганроқ, ҳасаддан кўра ёмонлик устига ёмонлик қўшадиганроқ нарсани кўрмадим.
Шайх Нажмиддин Кубро
***
Тўғри ва ҳақ йўлдан юрган кишининг юриши арслон юришидан кўра ҳам маҳобатлироқ (ҳайбатлироқ)дир.
Маҳмуд аз Замахшарий
***
Сабр деб, инсон бошига тушган алам ва чидаб бўлмайдиган оғриқни то енгунга қадар ушлаб туришга айтилади.
Абу Али ибн Сино
***
Қалбаки мақташ ҳақоратлашдир, пойдеворсиз қурилган бино қулайди.
Абу Бакр Хоразмий
Манбалар асосида Саидаброр Умаров тайёрлади
Муборак Қурбон ҳайити айёми арафасида Наманган шаҳридаги “Мангулик” қабристонида кенг кўламли ободонлаштириш ҳашари ташкил этилди.
Савобли тадбирда Наманган шаҳар ҳокими Аюбхон Камалов, “Нуроний” жамғармаси вилоят бўлими раиси Икромхон Нажмиддинов, Маҳаллалар уюшмаси вилоят бошқармаси бошлиғи Аҳадхон Мирзаев, вилоят имом-хатиблари, нуронийлар ва маҳалла фаоллари фаол иштирок этдилар.
Ҳашар давомида қабристон ҳудуди чиқиндилардан тозаланиб, ариқ-зовурлар очилди, дарахтлар оқланди ҳамда йўлаклар тартибга келтирилди.
Шунингдек, байрам кунлари ташриф буюрувчи зиёратчилар учун зарур шарт-шароитлар яратилди.
Ёшлар ва нуронийларнинг ҳамжиҳатлигида ўтган мазкур хайрли тадбир якунида юртимиз тинчлиги, халқимиз фаровонлиги ва ўтганлар руҳига бағишлаб хайрли дуолар қилинди.
Ўзбекистон мусулмонлари идораси
Наманган вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 