06 Январ, 2026, 17 Ражаб, 1447
06 Январ, 2026, 17 Ражаб, 1447
Саудия Aрабистони Ислом ишлари, даъват ва иршод вазирлиги Черногория Ислом ишлари бўйича бошқармасига Қуръони карим оятлари маъноларининг босния ва албан тилларига изоҳли таржималари билан бирга 50 000 нусхадаги Қуръон китобини совға қилди. Бу ҳақда “IQNA” сайти хабар қилди.
Қуръони карим маъноларининг босния ва албан тилларига таржималари Черногория ислом ишлари бошқармаси бошлиғи Рафат Весичга тақдим этилди.
Маросимда Саудия Aрабистонининг Черногориядаги элчиси ва Саудия Aрабистонининг Босния ва Герцеговинадаги элчихонасининг диний атташеси ҳам иштирок этди.
Саудия Aрабистонининг Черногориядаги норезидент элчиси Файсал Ҳефзий ўз нутқида ушбу хайрли ишни Саудия Aрабистони Подшоҳлигининг Ислом ва Қуръонга хизмат қилиш мажбуриятининг рамзи, дея баҳолади.
Мазкур хайрли иш Қуръоннинг турли хил нусхаларини турли мамлакатларда тарқатиш бўйича амалга оширган дастурнинг бир қисмидир. Унинг доирасида дунё бўйлаб миллионлаб Қуръони карим нусхаларини тарқатади ва унинг маъноларини 77 дан ортиқ халқаро тилга таржима қилиш бўйича фаолият олиб боради.
Ўзбекистон мусулмонлари идораси
Матбуот хизмати
Тошкент ислом институти қошида фаолият юритаётган “Қуръони карим ва тажвид” ўқув курсининг навбатдаги 67-давра тингловчилари билан ўқув олди суҳбати ташкил этилди.
Учрашувда курс бўлими бошлиғи Аҳмадхон қори Рашидов ҳамда бўлим ходимлари Нурилло Сайдуллаев ва Имрон Холмирзаев иштирок этди. Суҳбат давомида курснинг мазмун-моҳияти, аҳамияти ва ўқув жараёнини ташкил этиш масалалари бўйича атрофлича маълумот берилди. Шунингдек, тингловчиларнинг фикр-мулоҳазалари тингланиб, уларга зарур тавсиялар берилди.
Маълумот учун:
- Қабул: ҳар шанба куни, соат 09:00–17:00;
- Тўлов: 3 ойлик курс учун 1 648 000 сўм;
- Рўйхатдан ўтган тингловчилар навбат асосида ўқишга қабул қилинади.
Манзил:
Тошкент шаҳар, Олмазор тумани, Зарқайнар 18-берк кўча, 47-уй.
https://goo.gl/maps/Ng8xP1yVfJwJvB3e7
Боғланиш учун:
71-227-23-47
Аллоҳ таоло барчамизга Қуръони каримни тўғри ва чиройли ўқишни, унинг ҳикматларидан баҳраманд бўлишни насиб этсин!
Oliymahad.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 