Сайт тест ҳолатида ишламоқда!
22 Ноябр, 2026   |   12 Жумадул сони, 1448

Тошкент шаҳри
Бомдод
05:56
Қуёш
07:14
Пешин
12:14
Аср
15:17
Шом
17:02
Хуфтон
18:18
Bismillah
22 Ноябр, 2026, 12 Жумадул сони, 1448

Супа

16.04.2024   1209   1 min.
Супа

Уйга кеч қайтар эканман, кўчамизда, дарвоза ёнига ўрнатилган супачада ўтирган онамни кўриб, жаҳлим чиқиб кетди: “Ойи, яна кутиб ўтирибсизми? Неча марта айтаман. Мени кутманг, мен сизга ёш бола эмасман”. Онам эса, хотиржам овозда: “Келганингга шукр, энди тинч ухлайман. Келганингни кўрмагунимча кўзимга уйқу келмайди. Узоқдан келаётганингни кўриб, кўнглим хотиржам бўлади”. Ўша куни онамга жаҳл қилиб, овқат ҳам емадим.

Бу ҳолат тез-тез такрорланар эди. Менинг асосий ҳаётий ташвишларим яхши иш топиш, яхши даромад, умуман олганда яхши яшаш. Аммо онамнинг мен тўғримда қайғуришлари  ташвишлар рўйхатининг охирида эди.

Уйландим, фарзандлик бўлдим, турмуш ўртоғим кута-кута ухлаб қолар, аммо онамнинг кўзига уйқу келмасди. Кечалари уйга кеч қайтишлар ёки умуман келмасликни оддийгина “ҳаёт ташвишлари” ёки “тирикчилик”, деб, умр қандай ўтганини билмай қолибман.

Ҳозир сочларимга оқ оралаган. Дарвозамиз ўзгарган, аммо супа ўша-ўша. Супада ўтириб, узоққа термуламан. “Ўғлимни узоқдан кўрсам, кўнглим хотиржам бўлади...”.

 Мунира АБУБАКИРОВА

Мақолалар
Бошқа мақолалар
Янгиликлар

«Янги Ўзбекистон феномени»нинг 10 йиллигига бағишланган халқаро анжуман-тақдимот бошланди

19.11.2026   37325   1 min.
«Янги Ўзбекистон феномени»нинг 10 йиллигига бағишланган халқаро анжуман-тақдимот бошланди

Иордания Ҳошимийлар Подшоҳлиги пойтахти Аммон шаҳрида «Янги Ўзбекистон феномени»нинг 10 йиллигига бағишланган нуфузли халқаро анжуман-тақдимот ўз ишини бошлади. Мазкур маърифий тадбирда подшоҳликнинг таниқли давлат ва дин арбоблари, уламолар, илм-фан намояндалари, академик доира вакиллари ҳамда кенг жамоатчилик аъзолари иштирок этмоқда.  

Анжуман доирасида Ўзбекистон Республикаси Президенти Шавкат Мирзиёевнинг Янги Ўзбекистонни барпо этиш, Учинчи Ренессанс пойдеворини яратишга қаратилган стратегик сиёсати ва эзгу ислоҳотларининг туб моҳиятини араб дунёси афкор оммасига кенг танитиш мақсадида араб тилига таржима қилиниб, юксак сифатда нашр этилган муҳим асарлар ва китоб-альбомлар тақдимоти ўтказилди.  

Хусусан, иштирокчилар эътиборига Давлатимиз Раҳбарининг «Ҳозирги замон ва Янги Ўзбекистон», «Ватан ва халқ ҳақида ўйлар», «Динлараро мулоқот ва бағрикенглик» каби фундаментал асарлари, шунингдек, юртимиздаги диний-маърифий янгиланишлар солномаси, Янги Ўзбекистон ютуқлари ва инсонпарварлик қадриятлари акс этган жами 10 номдаги асар ва китоб-альбомлар ҳавола этилди.  

Маросимда сўз олган Иорданиянинг диний-маърифий ва илмий доиралари вакиллари ушбу нашрлар араб китобхонларига Ўзбекистонда инсон қадрини улуғлаш, илм-фан ва ислом маърифатини кенг ёйиш, жамиятда бағрикенглик муҳитини мустаҳкамлаш йўлида амалга оширилаётган тарихий ўзгаришлар моҳиятини теран англаш имконини беришини қайд этдилар.

Улар ушбу эзгу ташаббусни Мовароуннаҳр ва Шом ўлкалари ўртасидаги азалий илмий-маънавий ришталарни янги босқичга олиб чиқувчи муҳим қадам сифатида эътироф этдилар.

Бундан ташқари, тадбир доирасида Аммон шаҳридаги подшоҳлик миллий кутубхоналари ва етакчи олий ўқув юртларида «Янги Ўзбекистон китоб бурчаклари» ташкил этилиб, уларнинг илмий фондларига араб тилида чоп этилган ушбу қимматли китоблар тўплами топширилгани мезбон томон вакиллари томонидан алоҳида мамнуният билан кутиб олинди.

Ўзбекистон мусулмонлари идораси Матбуот хизмати

Ўзбекистон янгиликлари