АҚШнинг Йел университети олимлари мутолаа ва инсон умри узвийлигига оид тадқиқот ўтказишди. 12 йил давом этган илмий изланишда уч минг олти юзга яқин кекса қатнашди.
Аниқланишича, мутолаа билан мунтазам шуғулланадиганлар бошқаларга нисбатан 2 йил кўпроқ умр кўрар экан. Ҳафтасига 3,5 соатини ва ундан кўпроқ вақтини ўқишга сарфлайдиган кексаларда ўлим хавфи бошқаларга нисбатан 20 фоизга кам бўлади.
“Кунига атиги ярим соат мутолаа қилиш умрингиз узоқ бўлишига катта таъсир кўрсатади”, дейди тадқиқот муаллифларидан Бекка Леви.
Қизиқ томони, “китоб терапияси” даромади, касб-кори, оилавий аҳволи, ирқи ва турмуши фаровонлигидан қатъи назар, барчага бирдек фойдалидир.
Мутолаа асабийлашишни камайтирувчи энг фойдали воситадир. У кундалик ташвишларни унутиш имконини беради. Китоб ўқиш инсон миясининг узоқ вақт ёш бўлиб қолишига сабаб бўлади, миядаги асаб тизими алоқаларини кучайтириб, ақлий салоҳиятни орттиради.
Мутолаа қарилик ва паришонхотирликни ортга суради. Бундан ташқари, мутолаа сиқилишни енгишда қўл келади, муомала-муносабат қобилияти ривожланишига, ижодий имкониятлар кенгайишига ижобий таъсир кўрсатади.
Шунингдек:
– уйқусизликдан қутулишга ёрдам беради;
– асабни тинчлантиради;
– дунёқарашни, тинглаш қобилиятини ривожлантиради; .
– сўз бойлигини оширади;
– паришонхотирликнинг олдини олади;
– ижодкорликни ривожлантиради;
– хотира ва фикрлашни яхшилайди;
– ҳаётдаги мақсадни англашга ва қийинчиликларни енгишга ёрдам беради;
– кўп китоб ўқийдиган болалар дарсларни яхши ўзлаштиради;
– ота-оналарнинг фарзандлари билан биргаликда китоб ўқишлари ўзаро муносабатларни яхшилайди;
– бундай инсонлар ҳаётда фаол бўлади;
– чет тилини ўрганишни осонлаштиради.
"Ҳидоят" журналининг 2024 йил 2-сонидан олинди
Бугун, 20 ноябрь куни Термиз шаҳрида ўтказилган «Ҳаким Термизий илмий-маънавий меросининг бугунги кундаги аҳамияти» мавзусидаги халқаро конференция иштирокчилари буюк мутафаккир мажмуасида бўлдилар.
Хорижий давлатлардан ташриф буюрган муфтийлар, таниқли уламо ва исломшунос олимлар ҳамда маҳаллий соҳа вакиллари муқаддас қадамжода Қуръони карим тиловат қилиб, улуғ муҳаддис ва мутасаввиф ҳақларига дуои фотиҳа ўқидилар. Бутун дунёда тинчлик-осойишталик барқарор бўлиши, юртимиз янада ободлашиб, аждодларга муносиб авлодлар етишиб чиқишини сўраб хайрли дуолар қилинди.
Меҳмонлар маҳобатли мақбара, серфайз ҳовли ҳамда мажмуада амалга оширилган кенг кўламли бунёдкорлик ишлари билан яқиндан танишдилар.
Улар Ўзбекистонда диний-маърифий соҳадаги ислоҳотлар ва алломалар меросига кўрсатилаётган юксак эҳтиромга юқори баҳо бердилар.
Ўзбекистон мусулмонлари идораси Матбуот хизмати