Сайт тест ҳолатида ишламоқда!
06 Июл, 2025   |   11 Муҳаррам, 1447

Тошкент шаҳри
Бомдод
03:13
Қуёш
04:56
Пешин
12:33
Аср
17:42
Шом
20:03
Хуфтон
21:39
Bismillah
06 Июл, 2025, 11 Муҳаррам, 1447

1 200 000 дан ортиқ жазоирлик Қуръон марказларида Қуръон ўрганишмоқда

26.06.2024   2199   1 min.
1 200 000 дан ортиқ жазоирлик Қуръон марказларида Қуръон ўрганишмоқда

Жазоир ахборот марказининг хабар беришича, пойтахт Жазоирда Қуръон мактабининг очилиш маросимида сўзга чиққан Юсуф Белмаҳдий мамлакатда Қуръон мактаблари ва Қуръон марказларининг жадал ривожланишини олқишлади.

Унинг айтишича, 1,2 миллиондан ортиқ жазоирликлар Қуръон мактаблари ва марказларида Қуръон курсларида таҳсил олмоқда. Улар Қуръон ёд олиш, тиловат ва тафсир ўрганишмоқда, деди у.

Вазир ёзги Қуръон мактабларини юритиш бўйича масъулларнинг саъй-ҳаракатларини юқори баҳолади ва ўтган йили бу мактабларда Қуръон ўрганиш учун 500 мингга яқин талаба рўйхатдан ўтган бўлса, бу йил ёзда Қуръон курсларига ёзилаётган талабалар сони кўпроқ эканини айтди.

Белмаҳдийнинг айтишича, вазирлик бу ёзда бошқа Қуръон тадбирлари, жумладан ёзги Қуръон лагерлари ҳам ташкил қилган. 

#янгилик 

@quranuz_kanali

Дунё янгиликлари
Бошқа мақолалар

Қиблани адаштириб ўқилган намоз

02.07.2025   9239   1 min.
Қиблани адаштириб ўқилган намоз

Савол: Мен бегона жойда меҳмонхонага жойлашдим. Шошилиб, эътиборсизлик билан намозни қиблага тескари тарафга қараб ўқиб қўйибман. Ўқиб бўлганимдан кейин тушундим, шу намозимни ҳукми қандай бўлади?

Жавоб: Бисмиллаҳир Роҳманир Роҳийм. Бу ҳолатда, сиз намозингизни қайтадан ўқишингиз лозим бўлади. Чунки қибла қайси тарафдалигини билмаган одам, шу ерлик қиблани биладиган (мусулмон, ақли расо, ошкор гуноҳлардан тийилган) кишидан сўраб, намоз ўқиши лозим. Агар шу ҳолатда қиблани биладиган киши топилмаса, кечаси одамларнинг эшигини тақиллатиб юрмайди. Балки бор имкониятини ишга солиб, қиблани топишга ҳаракат қилади. Қалби билан бир томонни қибла, деб қасд қилиб намозини ўқийди. Гарчи қиблани тўғри тополмаган бўлса ҳам, унинг намози дуруст бўлади. Валлоҳу аълам.

 

Ўзбекистон мусулмонлари идораси
Фатво маркази