Сайт тест ҳолатида ишламоқда!
25 Июл, 2025   |   30 Муҳаррам, 1447

Тошкент шаҳри
Бомдод
03:35
Қуёш
05:12
Пешин
12:35
Аср
17:36
Шом
19:51
Хуфтон
21:20
Bismillah
25 Июл, 2025, 30 Муҳаррам, 1447

ТАНЛОВ: ОЙЛАР СУЛТОНИ – РАМАЗОН!

29.04.2020   2697   1 min.
ТАНЛОВ: ОЙЛАР СУЛТОНИ – РАМАЗОН!

Халқимизнинг илму маърифатини ошириш йўлида Рамазон ойининг фазилатларини кенг тараннум этиш, раҳмат ва мағфират ойи эканини етказиш ҳамда карантин шароитида мухлисларимизни уйда ижод қилишга рағбатлантириш мақсадида, Muslim.uz сайтида “Ойлар султони – Рамазон!” номли мақолалар танлови эълон қилинди.

❗️Танлов 2020 йил 29 апрелдан 23 майгача давом этади.

Танловга юбориладиган мақолалар ramazon_tanlov2020@mail.ru электрон почтаси ёки телеграм мессенжерида очилган @Ramazon_2020_bot орқали жўнатилади.

 

❗️ Юборилаётган мақолаларга қуйидаги шартлар қўйилади:

? рўзанинг фойдалари, унинг руҳий тарбияга оид жиҳатлари, ҳаётий ҳикматлари ва меҳр-оқибат ҳамда саховатли бўлишга рағбат уйғотиш;

? муборак ойни ҳозирги эпидемия шароитида уйда ўтказиш, илм-маърифатни бойитиш билан шуғулланиш ҳамда ёрдамга муҳтож инсонларга хайру эҳсон қилишнинг фазилатларини кенг тарғиб этиш;

? ҳадислар ва ривоятлар саҳиҳлигига эътибор қаратиш, уйдирма маълумотлардан сақланаш;

? интернет нашрларида кўп эълон қилинган мақолаларга ўхшаш бўлмаслиги, янгича ёндашувга эга бўлишига алоҳида эътибор қаратиш;

? услубий ва имло хатоларсиз ҳамда юқори савияда таҳрир қилинган бўлиши;

? интернет ёки бошқа нашрларда эълон қилинган мақолалардан кўчирилган материаллар танловда иштирок этмайди;

? Юқоридаги шартларга жавоб берган мақолалар Muslim.uz порталида "Танловга!" деган ёзув остида эълон қилинади.

 

Танлов ғолибларига қуйидаги мукофотлар топширилади:
3-ўринга – Смартфон.
2-ўринга – Планшет.
1-ўринга – Ноутбук.

Шунингдек, 7 нафар юқори балл олган иштирокчиларга рағбатлантирувчи мукофот – китоблар жамланмаси тақдим этилади.

? Барча қалами ўткир ижодкорларни карантин даврида танловда фаол иштирок этиб, уйдаги вақтларини мазмунли ўтказиш ва мукофотларга сазовор бўлишга чорлаймиз.

 

Ўзбекистон мусулмонлари идораси Матбуот хизмати


Ўзбекистон янгиликлари
Бошқа мақолалар

Умрада саъй қилмаслик

23.07.2025   4136   1 min.
Умрада саъй қилмаслик

Савол: Умрага борган киши, етти марта тавофни қилиб бўлгач, толиқиб қолиб, Сафо ва Марва орасида саъйни қилмай, меҳмонхонага кетиб қолса, нима қилиши лозим бўлади?

Жавоб: Бисмиллаҳир Роҳманир Роҳийм. Бу одам меҳмонхонада бироз ором олгач, ҳарамга қайтиб, саъйни қилиши вожиб бўлади. Чунки Сафо ва Марва орасида етти марта саъй қилиш умранинг вожибларидан саналади. Шунинг учун умра қилаётган одам тавофдан кейин саъйни тугатмагунча эҳромдан чиқа олмайди. Агар саъйдан олдин сочини олдириб, эҳромдан чиққан бўлса, ўз вақтидан олдин эҳромдан чиққани учун, зиммасига бир жонлиқ сўйиш вожиб бўлади. Шу билан бирга саъйни қилиши ҳам лозим бўлади. Агар кекса ёки беморлиги туфайли ўзи юришга қийналса, аравада саъй қилса ҳам жоиз бўлаверади. Валлоҳу аълам.

Ўзбекистон мусулмонлари идораси
Фатво маркази.