Таровиҳ шукуҳи: Юнусобод туманидаги Юнусобод масжиди
Тошкент шаҳар Юнусобод тумани "Юнусобод" жоме масжиди мустабид тузум даврида ёпилиб кетган бўлган. 1943 йилда Собик Иттифоқ ҳудудидаги айрим масжидларни очиб ибодат қилишга рухсат этилган. Ана даврда, яъни 1943 йилда "Юнусобод" жоме масжиди ҳам қайта очилиб, маҳалла кўй ҳашар йўли билан таъмирлаб ибодат қилишни бошлаган.
Ҳозирга келиб юртимиз мустақилликка эришганидан кейин 2005-2006 йилларда бу эски масжид буткул бузиб ташланиб қайтадан қурилган.
Жорий йил Рамазони шарифга қадар "Юнусобод" жоме масжиди "Вақф" хайрия жамоат фонди кўмаги, саҳоватпеша инсонлар ёрдами ҳамда ҳашар йўли қайтадан чиройли қилиб таъмирланиб масжиднинг ҳамма жойига янги шинам гиламлар тўшалди. Бу қилинган ишлар масжид қавми ва намозхонлар учун Рамазони шарифда катта туҳфа бўлди.
ЎМИ Матбуот хизмати
Ҳамдардлик билдирамиз
Ўзбекистон мусулмонлари идораси жамоаси Андижон вилояти бош имом-хатибининг хотин-қизлар масалалари бўйича ёрдамчиси Шоирахон ҳожи онанинг умр йўлдошлари Одилжон отанинг вафоти муносабати билан у кишининг яқинларига чуқур таъзия изҳор этади.
Аллоҳ таоло марҳум отахоннинг барча солиҳ амалларини ўзларига ҳамроҳ айлаб, Ўз мағфиратига олсин. Ҳақ таоло марҳум отахоннинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Шоирахон ҳожи онага, у кишининг оила аъзолари, ёр-биродарлари, яқинларига ҳамдардлик билдирамиз.
Иннаа лиллааҳи ва иннаа илайҳи рожиъуун.
«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».
Ўзбекистон мусулмонлари идораси
Muslim.uz
